ەكونوميكالىق ساراپشىلار ۇلتتىق بانكتىڭ ساياساتىمەن كەلىسپەيدى. ونىڭ ۇستىنە ديەۆالۆاسيادان سوڭ ەلىمىزدەگى بانكتەر قىرۋار پايداعا كەنەلگەن. بۇل تۋرالى «قامشى» پورتالى كتك ارناسىنا سىلتەمە جاساي وتىرىپ حابارلايدى.

مامانداردىڭ ويىنشا، ءتول تەڭگەنىڭ ديەۆالۆاسياسى مەن اقش ۆاليۋتاسىنىڭ ەركىن اينالىمعا جىبەرىلۋى قاتار جاسالماۋى ءتيىس بولاتىن. ەندى مولىنان اعىلعان يمپورت جانە قۇنسىزدانىپ جاتقان تەڭگەمەن ينفلياسيانى ءبىر دەڭگەيدە ۇستاپ تۇرۋ مۇمكىن ەمەس .

ۇلتتىق بانكتىڭ قور بيرجاسىنداعى ساۋداعا قاتىسىپ، كۇن سايىن مەملەكەتتىڭ ميللياردتارىن جۇمساۋىن دا ەكونوميستەر بەكەر اۋرەشىلىك دەپ ەسەپتەيدى.

ويلاپ قاراڭىزشى، سوڭعى 20 كۇننىڭ ىشىندە-اق ەلىمىزدىڭ باس قارجى ۇيىمى، باعانى قالايدا ۇستايمىز دەگەن جەلەۋمەن 1 ملرد 400 ملن دوللاردى بيرجادا ساتىپ جىبەرىپتى. ال، انىعىندا، جاعدايدى تۇراقتاندىرۋ ءۇشىن ەندى تەك نارىقتى كەڭەيتۋ كەرەك. ياعني ءقازىر كاSE-كە قاتىساتىن 5 ءىرى بانكتىڭ سانى كوبەيتىلىپ، بيرجاعا ەكسپورتپەن اينالىساتىن كومپانيالاردى دا جۇمىلدىرۋ قاجەت دەگەن ءسوز.

تەڭگە ەركىن اينالىمعا كەتكەلى، شەكەسى شىلقىپ بايىعان تەك بانكتەر عانا ەكەن. Ranking.kz  پورتالىنىڭ مالىمەتىنشە، ەكىنشى دەڭگەيلى بانكتەردىڭ اكتيۆى 20 تريلليون تەڭگەگە جەتكەن.

بۇل بۇرىن-سوڭدى بولماعان  كورسەتكىش. ياعني وتاندىق 35 بانكتىڭ 33ء-ى پايداعا كەنەلگەن. تريلليونەر بانكتەردىڭ كوشىن “قازكوم” باستاپ تۇر.

ءبىر اي ىشىندە قارجى ينستيتۋتىنىڭ اكتيۆى 436 جارىم ملرد-قا ءوسىپتى. “حالىق بانكتىڭ” دە جاعدايى جامان ەمەس. ولار 426،9 ملرد تەڭگە پايدا تاپقان. ۇزدىك ۇشتىكتە “سبەربانك” تە بار. تامىز ايىندا بانك 198،4 ملرد تەڭگە پايدا تاۋىپتى.