بۇگىن 2000 جىلدىق تاريحى بار تاراز قالاسىنا «قازاق حاندىعىنىڭ 550 جىلدىق» مەرەيتويى باستالدى. تويعا ەلىمىزدىڭ ءىشى- سىرتىنان 5 مىڭنان استام ارنايى قوناق كەلگەن. كەلگەن مەيماندارمەن بىرگە قازاق ەلىنىڭ بۇكىل زيالى قاۋىم وكىلدەرى الدىمەن قازاق حاندىعىنىڭ 550 جىلدىعىنا ارنالعان مونۋمەنتتىڭ سالتاناتتى اشىلۋىنىڭ كۋاسى بولدى. 8-9- قازان ەكى كۇنگە جالعاساتىن ۇلى تويدا وتەتىن ءىس- شارالار تىزبەگى كەلەسىدەي:
- بالاساعۇن ورتالىق كونسەرت زالىندا "ماڭگىلىك ەل" حالىقارالىق اقىندار ايتىسى وتەدى. وعان ەلىمىزدەن جانە جۇڭگو، مونعوليا ەلدەرىندە تۇراتىن قانداستارىمىزدان قۇرالعان 26 اقىن قاتىسادى.
- "كونە تاراز" ارحەلوگيالىق پاركى مەن مۋزەيىنىڭ اشىلۋ سالتاناتى وتەدى
- جامبىل وبلىستىق قازاق دراما تەاترىندا حاندىقتىڭ 550 جىلدىعىنا ارنايى دايىنداعان «قازاقتار» اتتى تاريحي-دراماسىنىڭ تۇساۋكەسەر قويىلىمى كورسەتىلەدى.
- 9-قازان كۇنگى مەرەكەلىك ءىس-شارالار لەگى ورتالىق ستاديونداعى "قيلى جول" اتتى درامالىق قويىلىم جانە گالا-كونسەرتپەن تياناقتالادى.
- ۇلتتىق سپورت تۇرلەرى قاۋىمداستىعى جانە جامبىل وبلىسى اكىمدىگىنىڭ ۇيىمداستىرۋىمەن بايگە تۇرلەرىنەن جارىس جۇرگىزىلەدى. ياعني، ەلدىكتىڭ تويىندا "ۇلى دالا ويىندارى" وتپەك. «اتشابار» يپپودرومىندا جامبىل وبلىسىندا دا، قازاقستاندا دا العاش رەت ات پولوسى بويىنشا كلۋب اشىلادى.
قازاق حاندىعىنىڭ 550 جىلدىعىنا ارنالعان مونۋمەنتتى ەلباسى نۇرسۇلتان نازاربايەۆ سالتاناتتى تۇردە اشتى. ال، "كونە تاراز" ارحەلوگيالىق پاركى مەن مۋزەيىنىڭ اشىلۋ سالتاناتىنا قر-نىڭ مادەنيەت جانە سپورت ءمينيسترى ارىستانبەك مۇحامەدي ۇلى مەن جامبىل وبلىسى اكىمىنىڭ ورىنباسارى ەرقانات مانجۋوۆ تا قاتىسادى دەپ كۇتىلۋدە.
«قامشى» سىلتەيدى
پىكىر قالدىرۋ