29 مامىردا AlmaU قامقورشىلىق كەڭەس مۇشەلەرىنىڭ قاتارى جاڭا تۇلعالارمەن تولىقتى. VII شاقىرىلعان ق ر پارلامەنتى ءماجىلىسىنىڭ دەپۋتاتى، AlmaU جوعارى بيزنەس مەكتەبىنىڭ (مۆا جانە DBA باعدارلامالارى) تۇلەگى، «ASPARA MUNAY» ج ش س باس ديرەكتورى ليننيك اندرەي، بۇۇ جاھاندىق شارتىنىڭ قازاقستانداعى وكىلى، ستەنفوردتا وقىعان العاشقى قازاق، سونداي-اق تۇراقتى دامۋ جانە ESG تاقىرىبى بويىنشا ساراپشى سەيدجاپاروۆا دينارا جانە Altyn Samruk Qazaqstan سەو-سى، ق ر پرەمەر-مينيسترىنىڭ كەڭەسشىسى، سونداي-اق ق ر ءىرى حولدينگتەر مەن كومپانيالارداعى جوعارى بۋىن باسشىسى، Nazarbayev University & Duke's Fuqua Business School EMBA باعدارلاماسىنىڭ تۇلەگى پازىلحايىر گۇلبانۋ – ەندى قامقورشىلىق كەڭەس مۇشەلەرى.

سونىمەن قاتار قامقورشىلار كەڭەسىنىڭ ءتورايىمى جانات بەردالينا باسقارۋ تىزگىنىن 10 جىل بويى كەڭەس مۇشەسى بولعان ەركىن تاتىشيەۆكە تاپسىردى. «مەن 6 جىل بويى قك ءتوراعاسى، 9 جىل قك مۇشەسى بولدىم. ەندى تىزگىندى تاپسىراتىن كەز كەلدى»، - دەدى جانات بەردالينا.

جانات قولان قىزى قامقورشىلار كەڭەستىڭ جانە جالپى ۋنيۆەرسيتەتتەگى كورپوراتيۆتىك باسقارۋدىڭ دامۋىنا ەلەۋلى ۇلەس قوستى. ەندىگارى ول – الماتى مەنەدجمەنت ۋنيۆەرسيتەتىنىڭ قامقورشىلار كەڭەسىنىڭ قۇرمەتتى مۇشەسى.

«ەڭ قيىنى – جاڭا نارسە ويلاپ تابۋ. ءبىز جوعارى ءبىلىم ترانسفورماسيا، يننوۆاسيا پروسەسىندە ەكەنىن تۇسىنەمىز. ءقازىر رەسۋرستارى بار ۇلكەن ۋنيۆەرسيتەتتەر دە قينالىپ جاتىر. AlmaU ءۇشىن دە «ءبىز كىمبىز؟ قايدا بارامىز؟» دەگەن سۇراق وزەكتى بولۋى شارت. ارەكەت جاساپ، بايقاپ كورۋدەن قورىقپايتىن وقۋ ورنى بولايىق. بۇل دەگەنىمىز – جاڭا ادىستەمەلەر، جاڭا نۇسقالار، جاڭا تاسىلدەر»، -دەپ اتاپ ءوتتى ۋنيۆەرسيتەتتىڭ قامقورشىلىق كەڭەسىنىڭ جاڭا ءتوراعاسى ەركىن تاتىشيەۆ.

قامقورشىلار كەڭەسى ۋنيۆەرسيتەتتىڭ دامۋىندا ماڭىزدى ءرول اتقارادى. ول ۋنيۆەرسيتەتتى باسقارۋدىڭ جوعارعى ورگانى جانە نەگىزگى ماسەلەلەر بويىنشا شەشىم قابىلداۋعا جاۋاپ بەرەدى. سونىمەن قاتار ستراتەگيالىق ماقساتتاردى ايقىندايدى جانە نەگىزگى قارجىلىق قۇجاتتاردى بەكىتەدى.