ادەبيەت سالاسى بويىنشا 2015 جىلعى نوبەل سىيلىعىنىڭ بەلارۋس ءجۋرناليسى سۆەتلانا الەكسييەۆيچكە بەرىلۋى ەكىۇداي ويعا جەتەلەيدى. جازۋشىلار تاراپىنان وعان كوڭىل تولماۋشىلىق تۋىنداۋى كادىك. وعان تۇسىنىستىكپەن قاراۋعا بولادى. كوركەم ادەبيەتتىڭ شوقتىعى قاشان دا بيىك ءارى ول قۇدىرەتتى دارىن-قابىلەتتىلىكتىڭ جەمىسى. اقىن-جازۋشى دەپ اتالاتىن ماماندىق جوق، ول كاسىپ تە ەمەس، جۇرەكتىڭ قالاۋى. قۇداي جاراتقان دارىندى ەشبىر وقۋ ورنى بويىڭا سىڭىرە المايدى. ال، ءوز كەزەگىندە جۋرناليست دە دارىننان كەندە ەمەس. ءبىر ويشىلدىڭ ايتقانى بار: "جۋرناليست دەگەنىمىز رومان جازۋعا ۋاقىتى جوق، ءبىراق،، قابىلەتى زور جازۋشى" دەگەن ماعىنادا. ونىمەن دە ساناسۋ كەرەك سياقتى. قالاي دەسەك تە، اتالمىش سىيلىقتىڭ جۋرناليسكە بەرىلۋى الەمدە ادەبيەتتىڭ ورنىن پۋبليسيستيكا باسىپ وزىپ كەلە جاتقانداي كورىنىس بەرەدى. شىنىمەن دە، وقىرمان قاۋىم كوركەمدىك شىندىقتان گورى شىنايى دەرەككە كوبىرەك دەن قويىپ، جۋرناليستيكا داۋىرلەپ بارا جاتقان جوق پا ەكەن؟

قۋاندىق شاماحاي ۇلى، Facebook پاراقشاسىنان الىندى