كوپشىلىككە بەلگىلى Instagram فوتو سەرۆيسىنىڭ نەگىزىن قالاۋشى جانە ونىڭ باسشىسى كيەۆين سيستروم كومپانيا ەرەسەك پايدالانۋشىلار ءۇشىن الەۋمەتتىك پورتال نۇسقاسىن قۇرۋى مۇمكىن ەكەنىن ايتتى. بۇل تۋرالى "قامشى" پورتالى Mashable-گە سىلتەمە جاساي وتىرىپ حابارلايدى.
سيستروم ايتقانداي، بۇل الەۋمەتتىك پورتالدا R (Restricted) رەيتينگىگە يە فوتوسۋرەتتەر جاريالانادى. بۇل ساناتقا ون جەتى جاسقا تولعان ادامدارعا نەمەسە اتا-اناسىمەن بىرگە كورۋگە رۇقسات ەتىلەتىن ماتەريالدار جاتادى.
كومپانيا باسشىسى مۇنداي سايتتى اشۋدا تۋىندايتىن قيىندىقتار – بۇل ساناتقا ەنەتىن كونتەنتتى انىقتاۋ تۋرالى ايتتى. كيەۆين پورتال پايدالانۋشىعا ءوز ويىن ەستەتيكالىق تۇرعىدا جەتكىزۋىنە مۇمكىندىك بەرەدى دەپ وتىر.
وسىعان دەيىن كيەۆين سيستروم الەۋمەتتىك پورتالدىڭ سەنزۋرالىق ساياساتى بارى جونىندە ايتقان، ءدال وسى شەكتەۋ Apple كورپوراسياسىنىڭ قوسىمشالار دۇكەنىندە دە پايدالانىلادى.
ءقازىر Instagram ون ەكى جاستان اسقان بالالارعا كورسەتۋگە رۇقسات ەتىلگەن ماتەريالدارمەن شەكتەلىپ وتىر. سوندىقتان R ساناتىنداعى كونتەنتتى جاريالاۋعا تىيىم سالىنادى. وسى شەكتەۋ بۇزىلعان جاعدايدا قوسىمشا App Store-دەن وشىرىلەدى.
پىكىر قالدىرۋ