پاۆلودار وبلىسىندا سەمىزدىككە شالدىققاندار اسكەرگە بارا الماي وتىر

19پاۆلودار وبلىسىندا ازاماتتىق بورىشىن وتەۋگە جارامسىز جاستاردىڭ كوبى سەمىزدىكتەن زارداپ شەگۋدە. بۇل تۋرالى «قامشى» پورتالى  pavlodarnews.kz-كە سىلتەمە جاساي وتىرىپ حابارلايدى.

بۇل تۋرالى اگەنتتىككە وبلىستىق قورعانىس ىستەرى جونىندەگى باسقارماسىنىڭ باستىعى، پودپولكوۆنيك ولەگ نيكولاشين ءمالىم ەتتى.

“تاۋەلسىزدىك العان جىلدارى كامەلەتتىك جاسقا ەندى تولعان جىگىتتەر مايتابان اۋرۋىنا بايلانىستى اسكەر قاتارىنا قابىلدانباسا، قازىرگى كۇنى سەمىزدىك دەرتى سەبەپ بولىپ وتىر. بۇدان باسقا، مەديسينالىق تەكسەرىستىڭ ناتيجەسى جاستاردىڭ اراسىندا ومىرتقانىڭ قيسايۋى، باس سۇيەك-مي زاقىمى سياقتى اۋرۋلار ءجيى كەزدەسەتىنىن كورسەتەدى. بۇل الەۋمەتتىك ماسەلەلەر جاسوسپىرىمدەردىڭ دۇرىس تاماقتانباۋى مەن سپورتپەن شۇعىلدانباۋىنا، توبەلەستىڭ سالدارىنان جاراقات الۋىنا بايلانىستى. بولاشاق ساربازداردىڭ دەنساۋلىعىنا قاتىستى ساراپتاما قورىتىندىسى جىلدىڭ سوڭىندا ناقتى بەلگىلى بولادى”، – دەيدى نيكولاشين.

باسقارما باستىعىنىڭ ايتۋىنشا، بىلتىرعى جىلمەن سالىستىرعاندا اسكەر قاتارىنا شاقىرىلاتىن ازاماتتارىڭ سانىندا ايتارلىقتاي وزگەرىس بايقالمايدى. بيىل وبلىس بويىنشا بارلىعى 700-دەن استام سارباز ەلiمiزدiڭ قارۋلى كۇشتەرiنiڭ قاتارىن تولىقتىرادى دەپ كۇتiلۋدە.