دەترويتتەگى گەنري فورد اۋرۋحاناسىندا جۇمىس ىستەيتىن اقش ماماندارى ءبىرقاتار زەرتتەۋ جۇرگىزىپ، كوپ ۋاقىتىن ينتەرنەت جەلىسىندە وتكىزەتىن جەتكىنشەكتەر قان قىسىمى جوعارى ادامداردىڭ قاتارىنا ءتۇسۋى مۇمكىن ەكەندىگىن انىقتادى. بۇل تۋرالى «قامشى» پورتالى قازينفورم.كز-كە سىلتەمە جاساي وتىرىپ حابارلايدى.

زەرتتەۋ كورسەتكەندەي، ءبىر اپتاداعى ون ءتورت ساعات پەن ودان دا كوپ ۋاقىتتى عالامتوردا وتىرۋعا ارنايتىن ۇل مەن قىزداردىڭ قان قىسىمى جوعارى بولادى ەكەن.  تاجىريبەگە 134 ەرىكتى وقۋشى قاتىستى؛ ولاردىڭ بارلىعى عالامتورعا تاۋەلدى بولعان جانە 26-سىنىڭ قان قىسىمى قالىپتى جاعدايدا بولماعان.

اتاپ ءوتۋ كەرەك، بۇل جەلىدە كوپ وتىرعاندىقتان پايدا بولاتىن جالعىز دەرت ەمەس. سونداي-اق، عالامتوردا كوپ وتىراتىن جاسوسپىرىمدەر كۇيزەلىس، ارتىق سالماق، ەسىرتكى پايدالانۋ جانە الەۋمەتتىك وقشاۋلاۋدان زارداپ شەگۋى مۇمكىن.

زەرتتەۋدىڭ جەتەكشى- عىلىمي قىزمەتكەرى اندرەا كەسسيدي-باشروۋ: «عالامتوردى كۇنىنە ەكى ساعات جانە اپتاسىنا بەس كۇن پايدالانعان ءجون»،- دەپ كەڭەس بەردى.