بەلارۋستە وتكەن پرەزيدەنت سايلاۋىندا الەكساندر لۋكاشەنكو جەڭىسكە جەتتى. بۇل تۋرالى «قامشى» پورتالى «نۇر. كز» سايتىنا سىلتەمە جاساي وتىرىپ حابارلايدى. الدىن الا مالىمەتتەر بويىنشا ول 83،49% داۋىس جيناعان، دەپ حابارلادى ەلدىڭ ورتالىق سايلاۋ كوميسسياسىنىڭ ءتوراعاسى ليديا ەرموشينا. سايلاۋشىلاردىڭ 6%-دان استامى بارلىق كانديداتتار ءۇشىن قارسى داۋىس بەرگەن. ايماقتاردا بۇل كورسەتكىش تومەن. ماسەلەن، برەست وبلىسىندا ول – 4،38%.

تاتيانا كوروتكيەۆيچ ءۇشىن ەل بويىنشا سايلاۋشىلاردىڭ 4،42%-ى داۋىس بەرگەن. سەرگەي گايدۋكيەۆيچ – 3،32%، نيكولاي ۋلاحوۆيچ – 1،67% داۋىس جيناعان.

ليديا ەرموشينا مۇنىڭ تەك الدىن الا مالىمەتتەر ەكەنىن اتاپ ءوتتى.

قورىتىندى مالىمەتتەر وبلىستىق سايلاۋ كوميسسيالارى مەن مينسك قالاسىنىڭ سايلاۋ كوميسسياسى ءار كانديدات ءۇشىن داۋىس بەرۋ تۋرالى قورىتىندى حاتتامالارعا قول قويعان سوڭ حابارلانادى.