ءبىز ءقازىر قانداي مەم­لەكەتپىز دەگەن سۇ­راق­­قا: «ءبىز – ءدۇبارا مەم­لەكەتپىز» دەپ جاۋاپ بەرگىم كەلەدى دە تۇرادى. بىزدە ءقازىر 4-5 باعىت بار: بىرىنشىدەن، كەڭەس ۇكىمەتىنەن قالعان يدەولوگيالىق باعىت، ەكىنشى ءورىستىلدى قوعامنىڭ سالقىنىنان ارىلماعاندىعىمىز، ءۇشىنشى ءدىني باعىت-باعدارداعى قايشىلىقتارىمىز، ءتورتىنشى ۇلتتىق مەملەكەت قۇرامىز دەگەن نيەتتەن تۋعان ساياسي ۇستانىم. قىسقاسى، ءبىز ءالى مەملەكەتىمىزدىڭ دامۋ باعىتىن دۇرىس اي­قىن­داعان جوقپىز. ءبىراق، ديالەكتيكانىڭ زاڭى بويىنشا، ءبارىبىر قازاقتىڭ سانى ارتىپ، كورسەتكىشى ساپاعا اينالىپ جاتىر دەسەك قاتەلەسپەيمىز. مىنە، وسى تۇستا مەم­­لەكەت ءوزى اتىن العان ۇلت جاعىندا بولۋى ءتيىس. بىزدە ءقازىر ەكى جول بار. ءبىرىنشى مەملەكەت باسىنداعىلار كونستيتۋسيامىزدا كورسەتىلگەن ۋنيتارلى – مەملەكەتتىك قۇرىلىمدى ۇلتتىق نەگىزدە ساقتاپ قالا الا ما، ەكىنشى ونى، ايتپەسە، كوپۇلتتى دەگەن ۇعىم-تۇسىنىكتەگى باعىت-باعدارعا سالىپ، «امەريكالىق ۇلت» كەسكىن-كەيپىن تۇسىرە مە؟ سوندىقتان بۇل – ءبىز ءۇشىن ۇلكەن ءبىر قوڭىراۋ.