كەشە الماتىدا تاعى ءبىر بازار ورتەندى. «باراحولكاداعى» ول بازاردىڭ اتى «يۋپيتەر»، ءورت امتىعان اۋماعى 400-500 شارشى مەتر. ءورت سوندىرۋگە 900 ادام قاتىسقان! بۇرىنعى ورتتەردە ءورت سوندىرۋگە مۇنشاما ادام قاتىسقان ەمەس. سوندا مۇنىڭ نە سيقىرى بار ەكەن؟ نە دە بولسا، «كرىشاسى» مىقتى بىرەۋدىڭ بازارى نەمەسە سول «كرىشانىڭ» ءوز بازارى! سەبەبى، مۇنىڭ الدىنداعى بازار ورتەۋ ناۋقاندارىندا، بيلىك تاراپىنان ءدال مۇنداي «ەرەكشە قامقورلىق» بايقالماعانى بەلگىلى. بۇل جولى ءورت تە تەز اۋىزدىقتالىپتى. سوعان دا ءتاۋبا دەيىك!.. مەنىڭ ايتايىن دەپ وتىرعانىم، ءورتى سوندىرىلگەن بۇل بازار ەمەس، جالپى «ورتەنگىش» بازارلار تۋرالى. بۇل كۇندەرى قالاداعى، قالا ماڭىنداعى قازاقتاردىڭ دەنى بازار جاعالاپ كەتكەنى جونىندە. قازاقتىڭ دەنى وسى بازارمەن عانا ءناپاقاسىن ايىرىپ ءجۇر. الگى 2050 جىلى «30» ەلدىڭ قاتارىنا قوسىلعىش قازاقستاننىڭ بۇگىنگى كەيپى وسىنداي! حالقىنىڭ دەنى بازارعا تەنتىرەپ كەتكەن مەملەكەتتى كىم قاتارىنا قوسا قويار ەكەن؟ ءبىراق، ءبىزدىڭ ورىسقۇل بيلىكتە ۇيات شامالى. ولار ەڭ الدىمەن ارتتارىنا قاراماي-اق، انا 30 ەلدىڭ قاتارىنا وزدەرى بارىپ قوسىلىپ الادى. ولار كەۋدەسىنىە يتەرگەنگە دە قارامايدى. بۇل ورىسقۇل بيلىكتە ۇيات پەن نامىس و باستان شامالى بولاتىن. قايتادان نەگىزگى تاقىرىبىما ورالايىن. بازارلارىن بىرىنەن كەيىن ءبىرىن ورتەپ، حالىقتى قان قاقساتقانداردىڭ كىم ەكەنىن، ەل اشىق ايتىپ ءجۇر. ول «وسى» ەرمەگى» ارقىلى قانشا قازاقتى زار قاقساتىپ، قايىرشى عىلىپ جىبەرگەنىن بىلە مە ەكەن، اۋەلى؟ بىلمەيدى، بىلگىسى دە كەلمەيدى! بۇگىندە مىنا ورىسقۇل بيلىك، قاي جەردە قازاق بار، سول جەردىڭ تاس-تالقانىن شىعارادى. سەبەبى، ولارعا قازاق كەرەك ەمەس. ولار مىنا «قوي قازاقتان» قۇتىلماي، جەرلەرى ەشقاشان دا كەڭىمەيدى. انالارعا قايتادان باسىبايلى قۇل بولعاندا، ەڭ الدىمەن ىشتەن «بۇلىك شىعاراتىن دا» وسى «قوي قازاقتار» بولاتىنىن، ولاردىڭ قۇرعىر ءىشى سەزبەيدى ەمەس، سەزەدى. بۇنى «ءبىر» دەپ قويىڭىز. ەكىنشىدەن، ايتەۋىر «بىردەڭە بۇلدىرسە» بولدى، وندىردەي قازاق جاستارىن جىپىرلاتىپ سوتتاتىپ جىبەرىپ جاتىر. وسى جازداعى انا قايرات دەگەننىڭ كونسەرتىندە «بۇلىك شىعاردى» دەگەن جەلەۋمەن بۇگىندە ونشاقتى قازاق جاسىن تەمىر توردىڭ ار جاعىنا توعىتىپ جىبەرگەندەر دە وسى ورىسقۇل بيلىك! بىلەتىندەردىڭ ايتۋىنا قاراعاندا بىزدەگى اباقتىلاردى وتىرعانداردىڭ 90 پايىزى 18-25 جاس ارالىعىنداعى قازاق جاستارى ەكەن. بۇلار ناعىز قازاقتى كوبەيتەتىن جاستا ابىقتىدا وتىر. بۇل دا مىنا ورىسقۇل بيلىكتىڭ ادەيى ىستەپ وتىرعان قۋلىق ساياساتتارى. تاياۋدا عانا سەمىزدىكتەن جارىلىپ كەتەيىن دەپ ازەر تۇرعان تاعى ءبىر ناعىز كوكبەت ەكەنى سۋرەتىنەن كورىنىپ تۇرعان ورىسقۇل ەركە بالانىڭ كوپ ادامدى تال تۇستە ماشيناسىمەن تاپتاپ كەتىپ، سونىڭ ءبىرىن ءولتىرىپ تىنسا دا، ونىڭ اكەسىنىڭ ەكسپو دەگەنىڭ ءبىر «دوكەيى» ەكەنىن نازاردا ۇستاعان الماتىنىڭ قۇقىق قورعاۋشىلارى ۇستاپ تۇرىپ، بوساتىپ جىبەرىپ، باسپا ءسوز شۋلاعان سوڭ عانا ونى قاماعان نيەت تانىتىپ وتىر. ەگەر كىسى ولتىرگىش قاراپايىم قازاقتىڭ بالاسى بولعاندا، ونى ءومىر بويعا سوتتاپ جىبەرەر ەدى. بۇل «ەركەتوتايدى» - ناعىز ورىسقۇلداردىڭ بۇگىنگى جيىنتىق وبرازى دەسە دە بولادى. ءجا، اڭگىمە «بازاردان» شىقتى عوي. بۇگىنگى ورىسقۇل بيلىكتىڭ بازار اتاۋلىعا سونشالىقتى وشىگىپ العاندارىنىڭ ارتىندا نە تۇرعانىن، ەندى تۇسىنگەن بولارسىزدار. وسى جىلى، ياعني، ورىسقۇلدار بيلىگىنىڭ 23 جىل بويى «اڭساعان ارماندارىنا» جەتەتىن كۇنگە از قالدى! جۇماش كوكبورى