جامبىل وبلىسىندا توتەنشە جاعداي ورىن الدى. جەرگىلىكتى ءتارتىپ ساقشىلارى الدىن-الۋ جوسپارىن ىسكە قوسىپ وتىر. بۇل تۋرالى «قامشى» پورتالى وبلىستىڭ ءىىد باسپا ءسوز قىزمەتىنە سىلتەمە جاساي وتىرىپ حابارلايدى.

            ماسەلەنىڭ تۋىنداۋى مىنادا: «قامشى» پورتالى قىرعىزستاننىڭ استاناسى بىشكەك قالاسى ماڭىنداعى تۇرمەدەن تەررورشىلار قاشىپ شىققانى تۋرالى حابارلاعان بولاتىن. قازىرگى تاڭدا  5 قىلمىسكەردىڭ قاي جەردە جۇرگەنى بەلگىسىز. سوندىقتان ولاردىڭ قازاقستان تەرريتورياسىندا ءجۇرۋى مۇمكىن دەگەن دە ءقاۋىپ بار.

            جەرگىلىكتى بيلىك حالىقتىڭ ابايلاپ ءجۇرۋىن ەسكەرتەدى. ولار، ەگەر دە قىلمىسكەرلەر حاقىندا قاندايدا ءبىر اقپارات ەستىگەن بولسا، «102» تەلەفونىنا حابارلاسۋىن سۇرايدى.

            ەستەرىڭىزگە سالا كەتەيىك، جەكسەنبىدەن دۇيسەنبىگە قاراعان ءتۇنى قىرعىزستان رەسپۋبليكاسىنىڭ استاناسى بىشكەك قالاسىنداعى تۇرمەدەن توعىز بىردەي تەرروريست قاشىپ شىققان

            قاشۋ بارىسىندا قىلمىسكەرلەر وزدەرىنە قارسىلىق كورسەتكەن 3 ءتارتىپ ساقشىسىن مەرت قىلعان. ءبىر اسكەري قىزمەتكەر اۋىر جاراقات العان. وقيعا بارىسىندا ءبىر قىلمىسكەر جارالانعان. كوپ ۇزاماي 5 بىردەي تەررورشىلار ۇستالىپ تىندى. قالعان 4-نە  ءقازىر ىزدەۋ جاريالانعان بولاتىن.