ءالقيسسا! ءسوز باسىندا ايتا كەتۋىمىز كەرەك. قازان ايىنىڭ 12ء-شى جۇلدىزىندا  فرانسيا مەملەكەتى ءابلازوۆ  مىرزانى رەسەيگە ەكستراديسيالاۋ تۋرالى ۇكىم شىعارعان بولاتىن.

            ءدال قازىرگى تاڭدا بۇل ۇكىم ءابلازوۆ مىرزانىڭ قورعاۋشىلارى تاراپىنان  قايتا شاعىمدالىپ جاتىر. بۇل تۋرالى بتا بانكىنىڭ ەكس-پرەزيدەنتىنىڭ رەسەيلىك قورعاۋشىسى مارك فەيگين «ينتەرفاكسكە» حابارلاپ وتىر.

            قوعاۋشىنىڭ سوزىنە سەنسەك، ءابلازوۆتى رەسەيگە اۋىستىرۋ ۋاقىتى تۋرالى ايتۋعا ءالى ەرتە. «مەنىڭ پىكىرمشە فرانسيانىڭ بۇل ۇكىمى قۇقىقتىق ەمەس، ساياسي تۇرعىدان جۇزەگە اسىپ وتىر»،- دەيدى فەيگين مىرزا.

            بانكير ءابلازوۆ رەسەيدەگى سوت الدىندا جاۋاپ بەرۋى مۇمكىن. وعان مەملەكەت قارجىسىنا قول سالدى، الاياقتىق جاسادى دەگەن ايىپ تاعىلىپ وتىر.

            بۇعان دەيىن انگليا سوتى بتا-نىڭ ءابلازوۆ 4 ملرد دوللار ۇرلادى دەگەن ارىزىن قاناعاتتاندىرعان بولاتىن. ال، ءابلازوۆ مىرزانى جالعان اقپارات بەرگەنى ءۇشىن 22 ايعا باس بوستاندىعىنان ايىرعان.  ءبىراق ءابلازوۆ ۇكىمنەن قاشىپ قۇتىلعان-دى. الايدا، 2013 جىلى فرانسيادا ۇستالىپ تىندى.

            قازىرگى تاڭدا ءابلازوۆ فرانسيا تۇرمەلەرىنىڭ بىرىندە جاتىر.