بي-بي-سي الەمدىك قىزمەتى جاپون تىلىندەگى اقپاراتتىق پورتالىن 14 قازاندا ىسكە قوساتىن بولدى. بۇل تۋراى «قامشى» پورتالى bbc.com-عا سىلتەمە جاساي وتىرىپ حابارلايدى. جاپوندىق بي-بي-سي قىزمەتى كوممەرسيالىق نەگىزدە قارجىلاناتىن العاشقى اقپاراتتىق رەسۋرس بولماق.

ينتەرنەت جۇيەسىن قولدانۋشى جاپوندىق اۋديتوريا – جۇڭگو، اقش جانە ءۇندىستاننان كەيىن الەۋمەتتىك جەلىلەردەگى 24 ملن اككاۋنتىمەن الەم بويىنشا ءتورتىنشى ورىنعا يە.

جاپوندىق تۇتىنۋشىلارعا ءموبيلدى ينتەرنەت 100 پايىز قولجەتىمدى كورىنەدى.

زەرتتەۋ ناتيجەلەرى بويىنشا بي-بي-سي سايتىنىڭ اعىلشىنشا نۇسقاسىنىڭ ميلليوننان استام تۇتىنۋشىسى جاپونيادان كىرەدى ەكەن. ولاردىڭ 90 پايىزىنىڭ انا ءتىلى – جاپون ءتىلى.

الەمدىك بي-بي-سي قىزمەتى جاڭا سايتتى ازىرلەۋ بارىسىندا جاڭا تەحنيكالىق شەشىمدەر قابىلداپ، ولاردى اعىلشىنشا نەمەسە كيريلليسالىق بەلگىلەردى قولدانبايتىن رەسۋرستا پايدالانۋى العاش رەت ەكەن.

بي-بي-سي سايتىنىڭ جاپون تىلىندەگى نۇسقاسى توكيو، سينگاپۋر جانە لوندوندا بازالانعان حالىقارالىق توپتىڭ مۇشەلەرىمەن قۇرىلىپ جاتىر.