رەسەيدىڭ سيريا بۇلىكشىلەرىن شابۋىلداۋ ءۇشىن پايدالاناتىن قاناتتى زىمىراندارى ءبىرقاتار اۋەكومپانيالارىنىڭ ۇشۋ مارشرۋتتارىنىڭ وزگەرۋىنە الىپ كەلۋى مۇمكىن. بۇل تۋرالى «قامشى» پورتالى ازاماتتىق اۆياسيانىڭ حالىقارالىق ۇيىمىنا سىلتەمە جاساي وتىرىپ حابارلايدى.
اۆياسيالىق قاۋىپسىزدىك بويىنشا ەۋروپالىق اگەنتتىك كاسپيي تەڭىزىندەگى «يسلامدىق مەملەكەت» توبىنىڭ پوزيسياسىنا باعىتتالعان رەسەيلىك زىمىرانداردىڭ يراك پەن يران استىنداعى اۋە كومپانيالارى قولداناتىن كەڭىستىكتى ەرىكسىز كەسىپ ءوتىپ جاتقاندىعى تۋرالى مالىمدەگەن بولاتىن. دەگەنمەن، اگەنتتىك اۋە تاسىمالداۋشىلارىن وسىلايشا ەسكەرتكەنىمەن ولار ءۇشىن ارنايى ۇسىنىس-كەڭەستەرىنىڭ جوقتىعى تۋرالى دا اتاپ ءوتتى.
وتكەن سارسەنبىنىڭ وزىندە رەسەيلىك كاسپيي فلوتيلياسىنىڭ اسكەري كەمەسى سيرياداعى ماقساتتى پوزيسياعا 26 زىمىران باعىتتاعان بولاتىن. رەسەيلىك قورعانىس مينيسترلىگىنىڭ مالىمدەۋىنشە، ولاردىڭ بارلىعى اسقان دالدىكپەن ەرەكشەلەنگەن.
پىكىر قالدىرۋ