قورعانىس مينيسترلىگىنىڭ مالىمەتى بويىنشا رەسەيلىك اۆياسيا جەكسەنبى كۇنى سيرياعا 60 اسكەري ۇشاعىن باعىتتاعان. ءدال سول كۇنى سوچيدە رەسەي پرەزيدەنتى ۆلاديمير پۋتين مەن ساۋد ارابياسىنىڭ قورعانىس ءمينيسترى مۋحامماد يبن سالمانمەن كەزدەستى. بۇل تۋرالى «قامشى» پورتالى euronews.com-عا سىلتەمە جاساي وتىرىپ حابارلايدى. ماسكەۋ ۇكىمەتى ەر-ريادتىقتاردى سيرياداعى باستى ماقساتى – تەرروريزممەن كۇرەس ەكەنىنە بارىنشا سەندىرىپ وتىر.

بۇل تۋرالى پۋتين تەليەۆيزيالىق سۇحبات بارىسىندا: «ءبىزدىڭ ماقسات – زاڭدى بيلىكتى تۇراقتاندىرىپ، ساياسي كەلىسىم تابۋعا جاعداي جاساۋ»، - دەگەن بولاتىن.

ۆلاديمير پۋتين سيرياداعى قۇرلىقتىق وپەراسياعا رەسەيلىك اسكەردىڭ قاتىسپايتىندىعىن ەرەك اتاپ ءوتتى: «جوق، ءبىز ونداي قادامعا بارمايمىز! بۇل سيريالىق دوستارىمىزعا دا ءمالىم نارسە».

بۇگىندە رەسەيلىك اۆياسيانىڭ قولداۋىنا يە سيريالىق ۇكىمەت اتشان قالاسى مەن حاما پروۆينسياسى ماڭايىنداعى اۋىلداردى ءوز باقىلاۋىنا الىپ، شابۋىلدارىن جالعاستىرىپ وتىر.