رف حالقىنىڭ 80 پايىزى مەملەكەتتە ەكونوميكالىق داعدارىس ورىن العانىنا سەنىمدى بولسا، ونىڭ جاقىن ارادا سوڭىن تاباتىنىنا كۇمانمەن قارايدى. «قامشى» پورتالى «ليەۆادا-سەنتر» ورتالىعىنا سىلتەمە جاساي وتىرىپ، جۇرگىزگەن ساۋالناما ناتيجەسىن بەرۋدى ۇيعارىپ وتىر.

رەسپوندەنتتەردىڭ 23 پايىزى رەسەيدەگى داعدارىس ءبىر-بىر جارىم جىل شاماسىندا جالعاسادى دەپ ويلايدى، 24 پايىزى كەم دەگەندە ەكى جىلدى قۇرايتىنىنا سەنىمدى، ال كەلەسى 23 پايىز «داعدارىستىڭ مەرزىمى وتە ۇزاق بولادى، سالدارى بىرنەشە جىلعا دەيىن جالعاسادى» دەپ وتىر.

بار بولعانى 5 پايىز ادام عانا رەسەيدەگى داعدارىس بىرنەشە ايعا، ءارى كەتسە جارتى جىلعا سوزىلادى دەپ سەنەدى. سۇرالعان حالىقتىڭ 16 پايىزى قازىرگى ۋاقىتتا داعدارىس ۇزاقتىعىنىڭ قانشا ۋاقىتقا سوزىلاتىندىعىن ايتۋعا قينالاتىن كورىنەدى. قالعانى ساۋالناماعا جاۋاپ بەرۋدەن باس تارتقان.

ايتا كەتەيىك، رف ەكونوميكالىق دامۋ مينيسترلىگىنىڭ حابارلاۋىنشا، جالپى ىشكى ءونىمنىڭ ەكىنشى توقساندا 4،4 پايىزعا تومەندەسە، ءبىرىنشى توقسانداعى تومەندەۋى 2،2 پايىزدى قۇراعان. باتىستىڭ ەكونوميكالىق شەكتەۋلەرى رەسەيگە اسەر ەتەتىنى جايلى، امەريكاندىق سانكسيالاردىڭ كەسىرىنەن رەسەيلىك وليگارحتاردىڭ اكتيۆتەردى قايتا قۇرىپ جاتقانى تۋرالى  «Financial Times» گازەتى جازعان بولاتىن. مۇنداي قادامعا بارۋ وليگارحتاردى جاھاندىق نارىقتاردان مۇلدە الىستاتىپ جىبەرۋى مۇمكىن. سونىمەن قاتار، باسىلىم رەداكسياسىنىڭ ايتۋى بويىنشا، بۇل دەگەنىمىز اقش-تىڭ سانكسيالاردى ۇزارتۋعا دامەلى ەكەنىنىڭ ءبىر كورىنىسى ەكەن.

ال، رەسەيلىك پرەزيدەنت «جاقسى ءسوز – جارىم ىرىس» دەپ سانايتىن كورىنەدى. ونىسىن بۇگىن وتكەن «رەسەي شاقىرادى» كەزەكتى ەكونوميكالىق فورۋمىندا سويلەگەن سوزىنەن اڭعارۋ قيىنعا سوقپادى: «وتكەن جىلى ەكونوميكامىز قۇلدىراعان بولاتىن. بيىل دا سول پروسەسس ورىن الۋى مۇمكىن. دەگەنمەن، الداعى جىلداردا ءبىز قازىرگى جاعدايدى ەڭسەرەتىنىمىزگە سەنەمىن!»، - دەدى ول.

نازگۇل نازار