الماتى وبلىسىنىڭ ەلۋدەن اسا بيزنەس وكىلدەرى مەن  سىرتقى ەكونوميكالىق قىزمەتتىڭ (سەق) قاتىسۋشىلارى «الاتاۋ – وكب» كەدەندىك بەكەتىنىڭ جۇمىسىن جاڭارتۋدى تالاپ ەتتى. بۇل تۋرالى «قامشى» پورتالى حابارلايدى.  بۇگىن كاسىپكەرلەر الماتى قالاسىندا وسىعان بايلانىستى ارنايى باسپا ءسوز ءماجىلىسىن وتكىزدى.

«الاتاۋ – وكب» كەدەندىك بەكەتىن تاراتۋدىڭ ناتيجەسىندە وبلىس اۋماعىندا وندىرىستىك جانە قويما كەشەندەرى ورنالاسقان كاسىپكەرلەر الماتى قالاسى جانە تالدىقورعان قالاسىنداعى الماتى وبلىسى مەملەكەتتىك كىرىستەر دەپارتامەنتىنە (مكد) قاراستى كەدەندىك بەكەتتەردەگى جۇكتەرىن كەدەن اۋماعىنان تازارتىپ،  280 شاقىرىمنان اسا قاشىقتىققا جونەلتۋگە ءماجبۇر بولۋدا.

سونىمەن قاتار، ىلە اۋدانىنا جۇكتەردى كەرى تاسىپ اكەتۋ قاجەت بولعاندىقتان، بۇل كولىككە جۇمسالاتىن شىعىنداردىڭ ايتارلىقتاي وسۋىنە، وسىنىڭ ناتيجەسىندە ونىمدەر مەن تاۋارلاردىڭ وزىندىك قۇنىنىڭ قىمباتتاۋىنا اكەلۋدە دەپ اتاپ ءوتتى كاسىپكەرلەر. «بۇل ىلە اۋدانى كاسىپكەرلەرىنىڭ قۇقىقتارىنا قىسىم جاساۋ بولىپ تابىلادى»، - دەپ ەسەپتەيدى سەق قاتىسۋشىلارى.

       جۇك الۋشىلاردى ءوز جۇكتەرىن كەدەننەن تازارتۋ ءۇشىن تالدىقورعان قالاسىنداعى الماتى وبلىسى مكد-نە جانە الماتى قالاسى مكد-نە بارعىزباستان، وسىعان دەيىن جۇمىس جاساپ كەلگەن كەدەندىك بەكەتتىڭ جۇمىسىن قالپىنا كەلتىرۋ ورىن العان وسى جاعدايدا جاساۋعا بولاتىن جالعىز دۇرىس شەشىم بولىپ تابىلادى دەگەن پىكىردە كاسىپكەرلەر. ولار وسى ماسەلەنى شەشۋ ءۇشىن ۇكىمەتتىڭ قولداۋ كورسەتۋىن سۇراپ وتىر.

ەلباسىنىڭ ۇكىمەتكە ارنالعان جىل سايىنعى جولداۋىندا قازاقستان دامىعان ەلدەردىڭ تابىستى تاجىريبەسىن ۇيرەنۋى كەرەك دەگەن ەرەكشە تاپسىرما قويىلعان بولاتىن. ويتكەنى، شاعىن جانە ورتا بيزنەسكە كورسەتىلەتىن مەملەكەتتىك قولداۋدىڭ تەتىكتەرىن جەتىلدىرۋ - ەل ۇكىمەتىنىڭ ۇدايى نازارىندا تۇراتىن ماسەلە.