اقش پرەزيدەنتى ءوز اسكەرىن اۋعانستاننان جاقىن ارادا الىپ شىقپايتىندىعىن ايتتى. كەلەسى جىلدىڭ وزىندە اۋعان ەلىندە 10 مىڭ امەريكاندىق اسكەري قىزمەتكەر جۇرەتىن بولادى. بۇل  تۋرالى «قامشى» پورتالى euronews.com-عا سىلتەمە جاساي وتىرىپ حابارلايدى. ال، 2017 جىلى ولاردىڭ 4،5 مىڭى ەلىنە قايتسا، قالعانى تاعى ءبىراز تۇراقتايدى ەكەن. اسكەردى شىعارۋ ماسەلەسى اۋعاندىق كوشباسشىلار مەن دالا كومانديرلەرىمەن بىرنەشە اي بويى تالقىلاندى. وباما قازىرگى كونتينگەنتتىڭ تەڭ جارتىسى وتانعا ورالاتىنى جونىندە ۋادە بەرگەن بولاتىن. ءبىراق، تاليباندىقتاردىڭ قۇندىز قالاسىنا ۇزدىكسىز جاساپ جاتقان شابۋىلدارى پرەزيدەنتتى رايىنان قايتاردى.

ايتا كەتەيىك، بۇگىندە امەريكاندىق اسكەر اۋعاندىق اسكەري قىزمەتشىلەرگە كەڭەس بەرىپ، دايىندىقتان وتكىزىپ جاتىر.