تاياۋ شىعىستىڭ ءتوزىمى تاۋسىلعانعا ۇقسايدى. ءبىرشاما ۋاقىت بۇرىن اقش-قا كورسەتكەن وزىندىك پوزيسياسى رەتىندە يران مەملەكەتى جەراستى زىمىراندار كەشەنى حاقىندا بەينەروليكتى عالامتور جەلىسىنە جاريالاعان بولاتىن.

            يران مەملەكەتى قارۋلى كۇشتەرىنىڭ ساپىنا كىرەتىن، يسلام ريەۆوليۋسياسىنىڭ قورعانىس كورپۋسى وتە سيرەك كەزدەسەتىن ۆيدەونى ارنايى سالعان. ماقساتى اقش-قا ۇرەي تۋدىرۋ. بۇل تۋرالى «قامشى» پورتالى «ريا.ۋكرايناعا» سىلتەمە جاساپ حابارلايدى.

            قۇراما شتاتتىڭ دەگەنىنە سەنسەك بەينوروليكتە يراننىڭ جەراستى زىمىران كەشەندەرىنىڭ ءبىرى عانا سالىنعان. پارسىلىقتاردىڭ قولىندا «كادر» جانە «شاحاب» دەگەن زىمىراندار بار. «كادر» زىمىرانى ەسكىرگەن. ول اسا ءقاۋىپتى ەمەس. ال، «شاحاب» زىمىرانى بولەك اڭگىمە. ونىڭ التى ءتۇرى تىركەلگەن. بۇل تۋرالى The Iran Project ماماندارى حابارلاپ وتىر. «شاحاب 6» ەۋروپانىڭ بارلىق جەرىنە جانە اقش-تىڭ شىعىس جاعالاۋلارىنا دەيىن جەتۋى مۇمكىن.     

            بۇگىندە بۇل جەراستى زىمىران كەشەنى تەگەران قالاسىنداعى تاۋلى ايماقتىڭ استىندا ورنالاسقانى بەلگىلى بولىپ وتىر.