رەسەي اۋە-عارىش كۇشتەرىنىڭ سيرياداعى اسكەري وپەراسياسى مەرزىمدىك شەكتەۋلەرگە يە. بۇل تۋرالى رەسەي پرەزيدەنتى استانادا ءوتىپ جاتقان تمد مەملەكەتتەرى باسشىلارىنىڭ وتىرىسىندا مالىمدەدى. بۇل تۋرالى «قامشى» پورتالى حابارلايدى. «ءبىزدىڭ اۋە كۇشتەردىڭ سيرياداعى وپەراسياسى بەلگىلى ءبىر شەكتەۋلەرگە يە. اۆياسيا تەك لاڭكەستەر مەن سولاردىڭ قول استىنداعى نىساندارعا شابۋىل جاساۋدا. اۋە وپەراسيالارى ۋاقىت جاعىنان دا شەكتەۋلى. ءبىز اۋە شابۋىلدارىن سيريالىق ارىپتەستەرىمىز جەردەگى شابۋىلداۋ وپەراسيالارىن اياقتاعانشا جالعاستىرامىز»، - دەپ اتاپ ءوتتى رەسەي باسشىسى.  

ەستەرىڭىزگە سالساق، 30 قىركۇيەك كۇنى رەسەي اۋە-عارىش كۇشتەرى سيريا اۋماعىنداعى لاڭكەستەر نىساندارىنا باعىتتالعان اۋە سوققىلارىن باستاعانى بەلگىلى. مۇنى رەسەي بيلىگى سيريانىڭ زاڭدى باسشىسى باشار اسادتىڭ وكىمەت اسكەرىنە قارسى سوعىسىپ جاتقان سودىرلارعا سوققى بەرۋدى سۇراعان وتىنىشىمەن ءتۇسىندىردى.