الماتى قالاسى اكىمىنىڭ ورىنباسارلارى بولىپ ارمان قىرىقبايەۆ پەن اسەل ءجۇنىسوۆا تاعايىندالدى،- دەپ حابارلايدى «قامشى.kz» قالا اكىمدىگىنىڭ باسپاسوز-قىزمەتىنە سىلتەمە جاساي وتىرىپ. 

بۇل قىزمەتتى بۇعان دەيىن اتقارعان زاۋرەش امانجولوۆا مەن مۇرات قۇدىشيەۆتىڭ باسقا جۇمىسقا اۋىسقانىنا بايلانىستى لاۋازىمدارىنان بوساتىلعان بولاتىن.

جاڭا قىزمەتكە تاعايىندالعان ا. قىرىقبايەۆ قالا اكىمدىگىندە ىشكى ساياسات، مادەنيەت، دەنساۋلىق ساقتاۋ مەن ءبىلىم بەرۋ سالاسىن ۇيلەستىرسە، اسەل ءجۇنىسوۆا ەكونوميكا، بيۋدجەتتىك جوسپارلاۋ مەن قارجى سالاسىنا جەتەكشىلىك جاساماق.

ەستەرىڭىزگە سالساق، ا. قىرىقبايەۆ 2014 جىلعى اقپاننان 2015 جىلعى تامىزعا دەيىن «نۇر وتان» پارتياسى ءتوراعاسى ءبىرىنشى ورىنباسارىنىڭ كەڭەسشىسى قىزمەتىن اتقارسا، اسەل ءجۇنىسوۆا وتكەن جىلدىڭ اقپانى مەن 2015 جىلعى قاڭتار ارالىعىندا «نۇر وتان» پارتياسى ورتالىق اپپاراتىن باسقارعان.