«اسادتى قولدايمىز» دەگەن ۇرانى بار شولاق جەيدەلەر (فۋتبولكا) «رەسەي ارمياسىنىڭ» رەسمي دۇكەندەرىندە ساتىلىپ جاتىر. مۇنىڭ استارىندا نە جاتقانى بەلگىسىز. بەلگىلىسى- بۇل جەرگىلىكتى حالىقتىڭ كوڭىلىنە جاققان سياقتى. بۇل تۋرالى «قامشى» پورتالى حابارلايدى.
سيريا باسشىسىنىڭ سۋرەتى بار شولاق جەيدەلەر ساتىلىمعا شىققان كۇنى تۇگەلدەي ساتىلىپ كەتكەن. باعاسى 1400 رۋبل، ياعني 6300 تەڭگە تۇرادى.
جالپى رەسەيدە قىرىم وقيعاسىنان بەرى پاترويتتىق ءسان ۇلگىلەرى ءجيى ساتىلاتىن بولعان. ونىڭ ىشىندە ەل پرەزيدەنتى ۆ.پۋتين جانە ءپۋتيننىڭ ماڭىنداعى ساياساتكەرلەردىڭ سۋرەتى بار كيىم ۇلگىلەرى. بۇلاردىڭ قاتارىندا بەلورۋسسيانىڭ «باتياسى دا» ءجۇر. ەندىگى كەزەك ساراپشىلار قاي ساياساتكەردىڭ سۋرەتى كيىم ۇلگىسىندە شىعۋى مۇمكىن دەگەن ساۋالعا جاۋاپ ىزدەۋدە.
پىكىر قالدىرۋ