بيزنەستىڭ ەڭ تابىستى كوزى قاشاننان بەرى ادام ساۋداسى. اۋەلدە قۇل ساتتى ادامزات، كەيىن جەزوكشەلىككە كوشتى. ارىن اقشامەن ولشەگەن ارۋلاردىڭ بار ەكەندىگى ءقازىر ەشكىمگە دە جاڭالىق ەمەس. الايدا ەركەك جەزوكشە بولدى دەگەندى ەستىپ پە ەدىڭىز؟ ءيا، الفونستار تۋرالى بىلەمىز. ول دا ءبىر جەزوكشەلىكتىڭ ءتۇرى دەدىك. ءبىراق مىنا جاڭالىق توبەدەن جاي تۇسىرگەندەي بولدى.

            ءقازىر ەلىمىزدە ەركەكتەردىڭ جەزوكشەلىگى ءورشىپ كەتكەن. سونىمەن قاتار، ولار وزدەرىنىڭ ءىسىن اشىق جاريالاپ وتىر. بۇل ازاماتتاردىڭ الدىندا الفونستار كۇنادان تازا ما دەپ ويلاپ قالدىق. كەيىنگى كەزدەرى وسىنداي جەزوكشەلەر «باي اعاشكالاردى» ىزدەيمىز دەپ جار سالۋدا.

            بۇل تۋرالى «قامشى» پورتالى «نۇر.كز-كە» سىلتەمە جاساي وتىرىپ حابارلايدى. ەركەك جەزوكشەلەر ەركەتەردىڭ شاقىرتۋىنا دا باراتىنىن جاسىرمايدى. وزدەرىنىڭ باعاسىن، اتىن، جاسىن، سالماعىن جازىپ قويادى. شامامەن ورتاشا قۇنى 20 مىڭ تەڭگە.

            اتالعان ماسەلەنى كوتەرىپ وتىرىپ مىنا ءبىر وقيعا ەسىمىزگە ءتۇسىپ وتىر. نەمىس دارىگەرى مەنگەلە يوزيەۆ 1941 جىلى گيتلەرگە حات جازادى. ««مەنىڭ فيۋرەرىم. مىنا نارسەنى ايتقىم كەلەدى: ورىستارمەن سوعىس ۇزاققا سوزىلۋى مۇمكىن. بالكىم، جەڭىس.... سەبەبى – تۇتقىنعا تۇسكەن ورىس قىزدارىنىڭ 98%-ى بەيكۇنا...»،- دەلىنگەن مۇندا. ال، ەندى باعامداي بەرىڭىز، ۇرعاشى تۇگىل ەركەگى جەزوكشە ەلدەن نە ءقادىر؟ ءوز ءتانىن ساتىپ وتىرعان ەركەتەردىڭ تەڭ جارتىسى قازاقتار ەكەن.  بۇل ماسەلەگە كوز جۇما بەرەتىن بولساق، ۇلتتىق  قۋاتىمىزدان  نە قالماق؟