ۇلت كوشباسشىسى نۇرسۇلتان ءابىش ۇلى نازاربايەۆتىڭ نەمەرەسى ايسۇلتان نازاربايەۆ ءوزىنىڭ قازاقستان فۋتبول فەدەراسياسىنىڭ پرەزيدەنتى بولعىسى كەلەتىنىن انىق بايقاتتى.

            بۇل تۋرالى «قامشى» پورتالى «zakon.kz»-كە سىلتەمە جاساي وتىرىپ حابارلايدى. ايسۇلتان نازاربايەۆ بۇل تۋرالى ءوزىنىڭ قاتىسۋىمەن وتكەن العاشقى پرەسس-كونفەرەنسيادا مالىمدەمە جاسادى.

            ايسۇلتان نازاربايەۆ ءوز سوزىندە ءقفف-نىڭ قازىرگى پرەزيدەنتىنىڭ جۇمىسىن سىنعا الدى. ونىڭ مالىمدەۋىنشە قازاق فۋتبولىنىڭ دامۋىنا ءقازىر بارلىق مۇمكىندىكتەر جاسالىپ وتىر. الايدا ناتيجە جوقتىڭ قاسى. سونىمەن قاتار، ەل پرەزيدەنتىنىڭ نەمەرەسى ءقفف-نىڭ قازىرگى باسشىسى قوجاعاپپانوۆتىڭ ەڭبەگىنىڭ ەش كەتپەگەنىن دە مالىمدەدى.

            ەندىگى كەزەك ايسۇلتان ءوزى ءقفف-نىڭ پرەزيدەنتتىگىنە كەلەسى سايلاۋدى كۇتىپ وتىر.

«ەگەر مەن ءقفف-نىڭ پرەزيدەنتى بولسام، بار مۇمكىندىگىمدى قازاق فۋتبولىنىڭ دامۋىنا جۇمسايمىن. مەنىڭ قۇرعان جوسپارلارىمنان تاڭ قالماي قويمايدى»،- دەدى ايسۇلتان نازاربايەۆ ءوز سوزىندە.