سۋ تاسقىنى كەزەڭى باستالعاننان بەرى تۇركىستان، اقتوبە، قوستاناي، باتىس قازاقستان، ۇلىتاۋ، اباي، اقمولا وبلىستارىندا 4 694 ادام، ونىڭ ىشىندە 1 682 بالا قۇتقارىلدى جانە ەۆاكۋاسيالانعان. بۇل رەتتە تارتىلعان اۋە كەمەلەرىمەن 447 ادام، ونىڭ ىشىندە 180 بالا ەۆاكۋاسيالاندى. بۇل تۋرالى توتەنشە جاعداي مينيسترلىگى حابارلادى.

تجم مالىمەتىنشە، مينيسترلىك پەن اكىمدىكتەر 2،3 ملن. م3 استام ەرىگەن سۋدى سورىپ، 162 مىڭنان استام قاپشىق جانە 31 587 توننا ينەرتتى ماتەريال توسەگەن.

سۋ تاسقىنىنان ەلدىڭ 7 وڭىرىندە 435 جەكە تۇرعىن ءۇي مەن 329 اۋلا، سونداي-اق اقتوبە وبلىسىندا 75 ساياجاي ءۇيى مەن 9 عيمارات، كوپ قاباتتى تۇرعىن ۇيلەردىڭ 12 اۋلاسى، اقمولا وبلىسىندا بالاباقشا مەن تج اۋرۋحاناسى سۋ استىندا قالىپ وتىر.

18 اۆتوجولدى، ونىڭ ىشىندە 4 كوپىر جانە 14 جول توسەمىن سۋ شايىپ كەتكەن. 26 ەلدى مەكەندە كولىك قاتىناسى جوق.