ونىڭ پىكىرىنشە، قازاقستاننىڭ بولاشاقتا ىدىراپ، رەسەيدىڭ اينالاسىندا بىرىگۋدەن باسقا امالى قالمايدى.
Sputnik راديوسىندا حازين قازاقستاندى ءارتۇرلى ەليتالىق توپتار اراسىندا وتە ۇلكەن ىشكى شيەلەنىسى بار وسال ەل دەپ سانايتىنىن ايتتى. وعان دالەل رەتىندە 2022 جىلعى قاڭتارداعى وقيعانى مىسال ەتتى.
“قازاق ەليتاسىنداعى تەرەڭ قايشىلىقتار ەشقاشان شەشىلمەگەن جانە جويىلماعان. ەگەر ەلدە كەز-كەلگەن كۇرت ساياسي وزگەرىستەر ورىن السا، بۇل ءارتۇرلى توپتاردىڭ جينالىپ قالعان اشۋىنىڭ سىرتقا شىعۋىنا، قارسىلاسۋىنا اكەلىپ سوعادى”، - دەدى ساراپشى.
ول وسىعان بايلانىستى قازاقستاندا ەلدىڭ بىرنەشە جەكەلەگەن بولىكتەرگە ىدىراۋ ءقاۋپى جوعارى ەكەنىن ءتۇسىندىردى.
سونىمەن قاتار، حازين قازاقستاندىق باسشىلىقتىڭ ەۋروپامەن ساۋدا قاتىناستارىن قۇرۋ ارەكەتتەرىن دە سىنادى. ونىڭ پايىمداۋىنشا، بۇل قازاقستان ءۇشىن ساتسىزدىككە اكەلەدى.
“سەبەبى بولاشاقتا ەۋروايماقتا ەكونوميكالىق داعدارىس ورىن السا، ەۋروپالىقتاردىڭ قازاقستان شيكىزاتىن ساتىپ الۋعا اقشاسى بولمايدى. ولار ءۇشىن ءوز تاۋارلارىن ساتا الاتىن جالعىز ورىن رەسەي فەدەراسياسى باستاعان ۇلكەن بىرلەستىك بولادى”، - دەپ قوستى ميحايل حازين.
وسىلايشا، ول قازاقستان مەن ارمەنيا رەسەيمەن تىعىز ىنتىماقتاستىقتى باستايتىنىن بولجادى.
ءحازيننىڭ ايتۋىنشا، جاڭا جاھاندىق ەكونوميكالىق داعدارىستىڭ باستالۋى بۇرىنعى كەڭەستىك رەسپۋبليكالارعا رەسەيدىڭ جاڭارتىلعان وداعىنا بىرىگۋىنەن باسقا تاڭداۋ قالدىرمايدى. ءتىپتى ۆلاديمير پۋتين مۇنى بۇرىننان بولجاپ، 2015 جىلى ەۋرازيالىق ەكونوميكالىق وداقتى قۇرعان.
ساراپشىنىڭ پىكىرىنشە، ەندى بۇل الاڭ، رەسەيلىك تمد-نىڭ بارلىق ەلدەرىن بىرىكتىرۋى كەرەك. ەگەر ءبارى جوسپار بويىنشا جۇرسە، بولاشاقتا ەاەو تولىققاندى ۆاليۋتا ايماعىنا اينالىپ، رەسەي ونىڭ ورتالىعىندا بولادى.
پىكىر قالدىرۋ