"جالعان اقپاراتتاردىڭ الدىن الۋ جانە انىقتاۋ ماقساتىندا ب ا ق پەن الەۋمەتتىك جەلىلەرگە ۇنەمى مونيتورينگ جۇرگىزىلەدى. مونيتورينگ بارىسىندا جالعان جانە تەرىس اقپارات تاراتۋدىڭ 41 فاكتىسى انىقتالىپ، ولاردى وكىلەتتى ورگاندار تەرىسكە شىعاردى. جالعان اقپارات تارالۋىنىڭ 6 دەرەككوزى انىقتالدى. ولار بويىنشا ونلاين-پلاتفورما يەلەرىنىڭ اتىنا زاڭعا قايشى ماتەريالداردى جويۋ تۋرالى تالاپپەن حابارلاندىرۋ جىبەرىلدى"، - دەدى ۇكىمەت باسشىسى.
ول مۇنداي حابارلامالار سۋ تاسقىنىنا قاتىستى جالعان اقپارات تاراتۋشىلاردى اكىمشىلىك جاۋاپكەرشىلىككە تارتۋ ماسەلەسىن قاراستىرۋ ءۇشىن ىشكى ىستەر مينيسترلىگىنە جىبەرىلەتىنىن ايتتى.
"جالعان اقپاراتتاردىڭ باسىم بولىگى مەسسەندجەرلەردە فەيك حابارلامالاردىڭ تاراتىلۋىمەن بايلانىستى. جالعان اقپارات ورنالاستىرعانى ءۇشىن 29 ادام (6 ادام تۇتقىندالدى، 2 فاكتى بويىنشا سوتقا دەيىن تەرگەۋ جۇرگىزىلىپ جاتىر، قالعاندارىنا ايىپپۇل سالىندى) جاۋاپقا تارتىلدى. بۇنان بولەك، زاڭعا قايشى سيپاتتاعى 92 جاريالانىم قۇقىقتىق باعا بەرۋ ءۇشىن باس پروكۋراتۋراعا جىبەرىلدى. اتالعان ماتەريالداردى جاريالاعان الەۋمەتتىك جەلى قولدانۋشىلارمەن پروفيلاكتيكالىق اڭگىمەلەسۋ جۇرگىزىلدى"، - دەدى ولجاس بەكتەنوۆ.
پىكىر قالدىرۋ