شىعىس قازاقستاندا ۆكونتاكتە الەۋمەتتىك جەلىسىندە سپەراتيستىك ارەكەت جاسادى دەگەن كۇدىكپەن ريددەر تۇرعىنى يگور سىچيەۆ جاۋاپقا تارتىلۋدا، - دەپ حابارلايدى «قامشى» پورتالى Tengrinews.kz-كە سىلتەمە جاساي وتىرىپ.
قالالىق سوت تاراتقان مالىمەتكە سۇيەنسەك، ي. سىچيەۆ وسى جىلدىڭ كوكتەمىندە ۆكونتاكتە جەلىسىندە توپ اشىپ، «ريددەر قالاسىندا داۋىس بەرۋ ءوتتى دەپ ەلەستەتەيىك» دەگەن ساۋالناما جۇرگىزگەن. وندا وقىرماندارعا شىعىس قازاقستان وبلىسىنىڭ رەسەي قۇرامىنا ەنۋىنە «ءيا» نەمەسە «جوق» دەپ داۋىس بەرۋ ۇسىنىلعان.
ۇلتتىق قاۋىپسىزدىك كوميتەتىنىڭ شقو بويىنشا دەپارتامەنتى ق ر قىلمىستىق كودەكسىنىڭ 180-بابى (سەپاراتيستىك قىزمەت) بويىنشا قىلمىستىق ءىس قوزعادى. ي. سىچيەۆ كىناسى سوتتا دالەلدەنسە 10 جىلعا باس بوستاندىعىنان ايىرىلۋى مۇمكىن.
