ايىپتالۋشى قانات ءسادۋوۆ بۇرىنعى ايەلىنىڭ ولىمىنە قاتىستى كىناسىن مويىنداماي وتىر. مۇنداي مالىمدەمەنى ول 20 قازاندا استاناداعى قىلمىستىق ىستەر جونىندەگى اۋدانارالىق سوتتىڭ زالىندا الدىن-الا تىڭداۋ بارىسىندا جاساعان. بۇل تۋرالى «قامشى» پورتالى «استانا» تەلەارناسىنا سىلتەمە جاساي وتىرىپ حابارلايدى.

            ءسادۋوۆتىڭ قورعاۋشىسى دا ايىپتالۋشىنىڭ ەش كىناسى جوق ەكەنىن ايتادى.

            اتالعان وقيعا ۇستىمىزدەگى جىلدىڭ 26 مامىرىندا ورىن العان. استاناداعى №25 مەكتەپتە جۇمىس ىستەگەن ايەلىن قانات ءسادۋوۆ سىرتقا شىعارىپ، ۇستىنە جانارماي قۇيىپ ورتەپ جىبەرگەن بولاتىن. دەنەسىنىڭ 70 پايىزىن كۇيىك شالعان ۇستاز اۋرۋحانادا ءبىر اپتاداي جاتىپ، اقىرى ەسىن جيماستان كوز جۇمدى. ونى جەر قويىنىنا تاپسىرۋعا كۇيەۋىنىڭ بىردە-بىر تۋىسى كەلمەدى دەيدى مارقۇمنىڭ جاقىندارى.

            ەسكە سالا كەتەيىك، استانانىڭ پوليسەيلەرى قانات ءسادۋوۆتى 14 قىركۇيەكتە ۇستاعان بولاتىن. ول تۋىستارىنىڭ ءبىرىنىڭ ۇيىندەگى جەرتولەدە جاسىرىنعان جەرىنەن تابىلعان.

            «قامشى» سىلتەيدى