مەملەكەتتىك نىشاندارىمىزدى قولدان كەلگەنشە قورلاۋ «ءداستۇرى» جالعاسۋدا. تۋىمىزدى قاپ قىلدىق، كيىز ءۇيدى كۇل سالعىش ەتتىك... ءانۇران ءبىر بولەك اڭگىمە. ۇلكەن جارىستاردا كوك بايراعىمىز كوتەرىلەتىن ساتتە «بوراتتىڭ ءانىن» نەمەسە بۇرىنعى ءانۇران وينالىپ جاتادى. وكپەمىزدى ايتىپ تىنامىز. ءبىراق ءوز ەلىڭنىڭ ءانۇرانىن ءوزىڭ قورلاۋ دەگەن نە سۇمدىق؟ نازارلارىڭىزعا مىنا ءبىر ۆيدەونى ۇسىنامىز.

            مەملەكەتتىك نىشانداردىڭ قولدانىلاتىن ورنى، ورىنداۋ ءتارتىبى زاڭدى تۇردە بەكىتىلگەن. بالانىڭ شالالىعى دەسەكە تە، ۇستازدار نە ىستەپ وتىر؟ بۇل مەملەكەتتىك  نىشانعا عانا ەمەس زاڭعا دا تۇكىرۋ دەگەن ءسوز.

            زاڭ ءتىلى:

9-باپ. قازاقستان رەسپۋبليكاسىنىڭ مەملەكەتتىك گيمنىن ورىنداۋ ءتارتىبى

1. مەملەكەتتىك گيمن كوپشىلىك الدىندا ورىندالعان كەزدە قاتىسۋشىلار ونى ورنىنان تۇرىپ ايتادى (تىڭدايدى)، بۇل رەتتە قازاقستان رەسپۋبليكاسىنىڭ ازاماتتارى وڭ قولىن جۇرەك تۇسىنا قويادى.

قازاقستان رەسپۋبليكاسىنىڭ مەملەكەتتىك ورگاندارى مەن وزگە دە ۇيىمدارى شەت مەملەكەتتەر اۋماعىندا ءىس-شارالار وتكىزگەن كەزدە مەملەكەتتىك گيمن وسى كونستيتۋسيالىق زاڭعا، سونداي-اق سول مەملەكەتتىڭ زاڭناماسى مەن پروتوكولدىق پراكتيكاسىنا جانە جەرگىلىكتى سالت-داستۇرگە سايكەس ورىندالادى.

قازاقستان رەسپۋبليكاسىنىڭ مەملەكەتتىك تۋىن سالتاناتتى جاعدايدا كوتەرۋ جانە تىگۋ كەزىندە مەملەكەتتىك گيمن ورىندالادى، بۇل رەتتە قاتىسۋشىلار جۇزدەرىن تۋعا قاراي بۇرادى.

2. مەملەكەتتىك گيمندى وركەستر، حور، وركەستر مەن حور ورىندايدى نە ول وزگە دە ۆوكالدىق جانە اسپاپتىق تۇردە ورىندالادى. بۇل رەتتە دىبىس جازۋ قۇرالدارى پايدالانىلۋى مۇمكىن.

قازاقستان رەسپۋبليكاسىنىڭ مەملەكەتتىك گيمنىن ىقشامداپ ورىنداۋعا جول بەرىلەدى.