«بيىل «ب» كورپۋسىنىڭ رەزەرۆىندە تۇرعانداردىڭ ەلۋ پايىزىن جۇمىسقا ورنالاستىرا المادىق». بۇگىن سەناتتىڭ جالپى وتىرىسىندا ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى قايرات قوجامجاروۆ وسىلاي ءمالىم ەتتى. ەسكە سالايىق، جالپى وتىرىستا «قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭ جوباسى تالقىلانعان بولاتىن. بۇل تۋرالى «قامشى» اقپاراتتىق پورتالى قازاقپاراتقا سىلتەمە جاساپ حابارلايدى.
«اۋىلدىق جەرلەرگە مەملەكەتتىك قىزمەتشىلەردى قابىلداۋدىڭ كونكۋرسىنداعى شەكتى بەلگىلەۋ وزەكتى ماسەلە بولىپ تابىلادى. ويتكەنى، اۋدانداردان اۋىلعا قاراي باراتىن ادام جوق بىزدە، ونداي ۇمىتكەرلەر تاپشى. سول سەبەپتى ءبىز وعان كوزقاراسىمىزدى وزگەرتتىك. قازىرگى كۇنى تەستىلەۋ باعدارلاماسى دا ولار ءۇشىن قيىنداۋ. اتقاراتىن ىسىنە، فۋنكسياسىنا ساي كەلمەيتىن جاعدايلار بار. وسىعان بايلانىستى تەستىلىك مانگە وڭىرلەر بويىنشا ءبىر عانا شەك قويىپ وتىرمىز، سوسىن نەگىزىنەن كانديداتتىڭ كاسىبي دەڭگەيىنە نازار اۋدارساق دەيمىز»، - دەدى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى قايرات قوجامجاروۆ.
ونىڭ ايتۋىنشا، سوڭعى ۋاقىتتا كادرلىق رەزەرۆ ماسەلەسى دە وزەكتى بولىپ وتىر.
«ماسەلەن، بيىلعى جىلى ءبىز «ب» كورپۋسىنىڭ رەزەرۆىندە تۇرعانداردىڭ ەلۋ پايىزىن جۇمىسقا ورنالاستىرا المادىق. ولاردىڭ ۋاقىتى كەلگەن سايىن الىنىپ تاستالادى. وسىنىڭ ءوزى مەملەكەتتىك قىزمەتشىلەر اراسىندا بۇنىڭ دۇرىس، بۇرىستىعىنا قاتىستى كوپ اڭگىمە تۋعىزىپ وتىر. وسىنداي ولقىلىقتى جويۋدى كوزدەپ وتىرمىز»، - دەدى ق. قوجامجاروۆ.
