الماتى قالاسىنىڭ مەكتەپ وقۋشىلارى اراسىندا وتەتىن «قاسيەتتىم – جەلتوقسان!» اتتى 1986 جىلعى جەلتوقسان وقيعاسىنىڭ 29 جىلدىعىنا ارنالعان جىر ءمۇشايراسىنا شاقىرامىز!

بايقاۋدى الماتى قالاسى ىشكى ساياسات باسقارماسىنىڭ قولداۋىمەن «جەرۇيىق» قوعامدىق بىرلەستىگى 2015 جىلدىڭ 14 قىركۇيەگى مەن 14 قاراشا ارالىعىندا ۇيىمداستىرادى. جەڭىمپازداردى ماراپاتتاۋ تاۋەلسىزدىك كۇنى قارساڭىندا الماتى قالاسىندا وتەدى.

بايقاۋدىڭ ماقساتى:
- 1986 جىلعى جەلتوقسان وقيعاسىنىڭ ءمانىن، مازمۇنىن مەكتەپ وقۋشىلارى اراسىندا ناسيحاتتاۋ؛
- «ماڭگىلىك ەل» يدەياسىنا قول جەتكىزۋدەگى جاس ۇرپاقتى وتانشىلدىق رۋحتا تاربيەلەۋ؛
- ۇرپاقتار ساباقتاستىعىن نىعايتۋ؛
- ۇلتتىق تاريحىمىزدىڭ ازالى دا اسقاق كەزەڭدەرىن ەسكە الا وتىرىپ، وتاندىق تاريحتى جاستار اراسىندا ناسيحاتتاۋ؛
- ەلباسى ن.ءا.نازاربايەۆتىڭ «قازاقستان 2050» ستراتەگياسىندا كورسەتىلگەن جاڭا قازاقستاندىق ءپاتريوتيزمدى ارتتىرۋ.

بايقاۋدىڭ شارتى:
الماتى قالاسىنىڭ كەز كەلگەن مەكتەپ وقۋشىسى قاتىسا الادى. ولەڭدەردىڭ يدەيالىق مازمۇنى مەن كوركەمدىك ساپاسىنا باسا نازار اۋدارىلادى.

جەڭىمپازداردى ماراپاتتاۋ:
ۇزدىكتەردى قازىلار القاسى انىقتايتىن بولادى. بايقاۋ جەڭىمپازدارى تاعايىندالعان زاتتاي جۇلدەلەرمەن جانە ارنايى ديپلومدارمەن ماراپاتتالادى.

بايقاۋعا قاتىسۋ:
بايقاۋعا ۇسىنىلاتىن شىعارمالار اۆتور تۋرالى قىسقاشا دەرەكتەرمەن (ءاتى-جونى، ءومىربايانى، مەكەن-جاي، تەلەفونى) بىرگە «بايگەگە» دەگەن بەلگىمەن: tolepbergen74@mail.ru - ەلەكتروندى پوشتاسىنا جىبەرىلۋى ءتيىس. اتالعان ەلەكتروندى پوشتاعا ولەڭدەر (تۋىندىلار 2-3 بەتتەن اسپاۋى كەرەك، Times New Roman – مەن، 14 شريفتە تەرىلۋى ءتيىس) جىبەرىلگەننەن باستاپ، كونكۋرسانتتار بايقاۋعا قاتىسۋشى رەتىندە تىركەلەدى. ۇزدىك دەپ تانىلعان تۋىندىلار باسپا ءسوز بەتىندە جاريالاناتىن بولادى.