بۇگىن ۇكىمەت وتىرىسىنان كەيىن باسپا ءسوز ماجىلىسىندە دەنساۋلىق ساقتاۋ ءمينيسترى اقمارال ءالنازاروۆا بۇرىنعى ۇقك باسشىسى كارىم ءماسىموۆتىڭ رۋىنا قاتىستى پىكىر ءبىلدىردى.
ويتكەنى بۇعان دەيىن دارىگەر اراي تولەمىسوۆا كارىم ءماسىموۆتىڭ ۇيعىر ەمەس، قازاق ەكەنىن ايتقان. ول ەمدەلۋشىسىنىڭ مەديسينالىق كارتاسىنداعى مالىمەتتەرگە سۇيەنگەن.
«مەن ول پودكاستى كورگەن جوقپىن. قوسىمشا اقپارات ايتايىق. مەديسينالىق قۇجاتتاردا رۋدىڭ جازىلۋىنا بايلانىستى ەشقانداي شارت جوق. سوندىقتان قوسىمشا اقپارات بەرۋ كەرەك بولسا، جىبەرەمىز»، – دەيدى اقمارال ءالنازاروۆا.
ايتا كەتەيىك، بىلتىر ءساۋىر ايىندا استانا سوتى كارىم ءماسىموۆتى مەملەكەتكە وپاسىزدىق جاسادى، بيلىكتى كۇشپەن باسىپ الۋعا ارەكەتتەندى، بيلىكتى جانە قىزمەتتىك وكىلەتتىكتى اسىرا پايدالاندى دەگەن ايىپپەن 18 جىلعا باس بوستاندىعىنان ايىرىلعان.
پىكىر قالدىرۋ