استانالىقتار پايدالانىلعان كوممۋنالدىق قىزمەت ءۇشىن تولەمدەردى تولەۋدە قيىندىقتارعا تاپ بولۋدا، - دەپ حابارلايدى «قامشى» پورتالى 24kz-كە سىلتەمە جاساپ.

تۇرعىندار بانكتەردىڭ قىزمەت اقىسىن قابىلداۋدان باس تارتقان. سول سەبەپتى ولار قىزمەت اقىسىن تولەۋ ءۇشىن «استاناەنەرگوساتۋ» ج ش س كاسسالارىنداعى ۇزاق كەزەكتە تۇرۋعا ءماجبۇر بولۋدا. 

قىزمەت ۇسىنۋشى كاسىپورىن باسشىلارى مۇنى بانكتەرمەن جاسالعان كەلىسىمدەردەگى كەمشىلىك دەپ تۇسىندىرۋدە.

«سوڭعى كۇندەرى بىزدە تۇتىنۋشىلاردىڭ كەزەككە تۇرۋى جيىلەپ تۇر. ءبىراق، بۇل ماسەلە بۇگىن-ەرتەڭ شەشىلۋى ءتيىس. كوممۋنالدىق قىزمەت اقىسىن قابىلداۋ تۋرالى 9 بانكپەن كەلىسىم جاسالعان. ءبىراق، بۇگىندە «حالىق بانكى»، «كاسپيي» جانە «سەسنا» سياقتى 3 بانك قانا اتالعان تولەمدەردى قابىلداۋدا. ءبىز، وسىنداعى بانك جەتەكشىلەرىمەن كەزدەسىپ، ءبىراز ماسەلەنى تالقىلادىق، - دەيدى «استاناەنەرگوساتۋ» جشس-ى باس ديرەكتورىنىڭ ورىنباسارى داۋرەن قابدين. كومپانيا باسشىلارىنىڭ ايتۋىنشا، تولەماقى قابىلداۋ مەرزىمى تۇرعىندارعا ىڭعايلى بولۋ ءۇشىن 31 قازانعا دەيىن ۇزارتىلعان جانە قاراشا ايىنان باستاپ 9 بانكتىڭ فيليالدارى تۇگەلدەي كوممۋنالدىق قىزمەت اقىسىن قابىلدايتىن بولادى.