- وزدەرىڭىز كورىپ وتىرعانداي، فۋتبول قۇرامامىزدىڭ باس باپكەرى چەرچەسوۆتىڭ قازاق تىلىنە بايلانىستى بريفينگتە ايتقان پىكىرىنە قاتىستى شۋ بولىپ جاتىر. ول بۇل جەردە قازاق ءتىلى مەن فرانسۋز ءتىلىن شاتاستىرىپ تۇر. بۇل ۆيدەو الەۋمەتتىك جەلىنە ءدۇر سىلكىندىرىپ جاتىر. ءبىر جاعىنان قاراساڭىز ۆيدەو ەرسى كورىنەدى، - دەدى سەناتور.

ول ۆيدەوۇندەۋىندە چەرچەسوۆكە قازاق ءتىلى مەن فرانسۋز ءتىلىنىڭ ايىرماشىلىعى قالاي ەكەنىن ءتۇسىندىرىپ بەردى.

- مەنىڭ ويىمشا، ول ءبىزدىڭ ەلىمىزدە قىزمەت ەتىپ، باس قۇرامامىزدى باپتاپ جاتقاننان كەيىن قازاق ءتىلىن بىلمەسە دە، قازاق ءتىلى مەن فرانسۋز ءتىلىنىڭ ايىرماشىلىعىن بىلگەنى دۇرىس. سوندىقتان سوعان ءمان بەرسەڭىز. ويتكەنى قازاق ءتىلىمىز – ەلىمىزدىڭ باستى بايلىعى. وزگە ۇلتتىڭ، وزگە ەلدىڭ ازاماتى ەكەنىن تۇسىنەمىز. ءبىراق ولاي ارتىق كەتۋدىڭ قاجەتى جوق. ءبىزدىڭ ءتىلىمىزدى مازاق ەتىپ، ونى باسقا جاعىنان كورسەتۋدىڭ قاجەتى جوق. قازاق ءتىلى – ول فرانسۋز ءتىلى ەمەس. قازاق ءتىلى – ول دارا ءتىل. قازاق ءتىلى – ول ابايدىڭ ءتىلى. قازاق ءتىلى – ول ءبىزدىڭ ۇلى ءتىلىمىز، - دەپ ءتۇسىندىردى شيپوۆسكيح.

دەپۋتات ەلىمىزگە كەلگەن وزگە ەلدىڭ ازاماتى بولسىن، وزگە ۇلت وكىلى بولسىن – ولار قازاق ءتىلىنىڭ ماڭىزدىلىعىن ءتۇسىنىپ، بىلگەنى دۇرىس دەپ ەسەپتەيتىنىن اتاپ ءوتتى.

-سپورت مينيسترلىگى مەن قفف-نىڭ قۇلاعىنا التىن سىرعا. مۇنداي جاعداي قايتالانباۋعا ءتيىس. ءبىزدىڭ ءتىل – ول باستى بايلىعىمىز. ءتىلىمىزدى ەشكىمنىڭ ەشقاشاندا مازاق ەتۋگە قاقىسى جوق، - دەدى گەنناديي شيپوۆسكيح.