پاۆلودارداعى وقيعادان بىرنەشە كۇن وتكەن سوڭ، ەنگىزىلگەن تۇزەتۋلەر "اشىق نقا" سايتىندا شىقتى. بەلگىسىز قىلمىسكەرلەر پاۆلودارداعى Halyk بانكىنىڭ بولىمشەسىندەگى قابىرعانى سىندىرىپ، سەيفتەردەن اقشا ۇرلاعان.
ەندى بانكتەر مەن ايىرباستاۋ پۋنكتتەرى ۇلتتىق جانە حالىقارالىق نورمالارعا ساي كەلەتىن سەيفتەردى پايدالانۋعا مىندەتتى. جاڭارتىلعان تالاپتاردا بەرىك كىرەبەرىس ەسىكتەر، تەرەزەلەر مەن قابىرعا قالقالارىن ورناتۋ تالاپ ەتىلەدى.
قويمالار مەن سەيف بولمەلەرىندەگى جەلدەتۋ جۇيەلەرىنە ولاردىڭ قاۋىپسىزدىگىن ارتتىرۋ ءۇشىن ارنايى ەرەجەلەر ەنگىزىلەدى. سونىمەن قاتار، وبەكتىلەردى قورعاۋعا جانە بەينەباقىلاۋ ساپاسىنا قويىلاتىن تالاپتار قايتا قارالادى.
بانكتەر مەن ايىرباستاۋ پۋنكتتەرى جاڭارتىلعان نورمالاردى ەسكەرە وتىرىپ، ءوز عيماراتتارىن بەيىمدەۋگە ۋاقىت الادى.
پىكىر قالدىرۋ