قازاقستاندا ءبىرىڭعاي ۇلتتىق تەستىلەۋدى وتكىزۋ مەرزىمىن اۋىستىرۋ جوسپارلانىپ وتىر، - دەپ حابارلايدى «قامشى» پورتالى Tengrinews.kz-كە سىلتەمە جاساپ. بۇل تۋرالى كەشە ورتالىق كوممۋنيسكاسيالار قىزمەتىندە وتكەن بريفينتە ق ر ءبىلىم جانە عىلىم ۆيسە-مينيسترى تاكير بالىقبايەۆ مالىمدەدى.
بالىقبايەۆتىڭ ايتۋىنشا، جوبا جاسالىپ جاتىر جانە ول سىناق تۇرىندە كەلەسى جىلى ەنگىزىلەدى. قازاقستاننان شەتەلگە وقۋعا كەتەتىندەردىڭ سانىن ارتتىرۋ ءۇشىن قانداي شارالاردىڭ جۇزەگە اسىرىلىپ جاتقانى تۋرالى سۇراققا ول تۇلەكتەردىڭ ۇبت-نى ەرتە تاپسىرۋعا مۇمكىندىگى پايدا بولاتىنىن ايتتى.
"ءبىرىنشى كەزەكتە بۇل رەسەي فەدەراسياسىنىڭ جوعارى وقۋ ورىندارىنىڭ ينتەرناسيوناليزاسيالاندىرۋىمەن بايلانىستى، سوندىقتان ول جاقتا وقۋعا قازاقستاندىق جاستاردى تارتادى. ءبىراق مۇندا ەكى ماسەلە بار: ءبىرىنشىسى - ءبىز دە ءنورماتيۆىمىزدى وزگەرتكىمىز كەلەدى، سەبەبى جاستارىمىز ەلىمىزدىڭ جوعارى وقۋ ورىندارىنا تۇسۋگە كەپىلى مەن مۇمكىندىكتەرى بولۋى ءۇشىن ۇبت-نى جازدا ەمەس، ەرتەرەك تاپسىرا الاتىنداي جاعداي جاسايمىز. ءبىز قازىرگى ۋاقىتتا بۇل جوبانى جاساپ جاتىرمىز، كەلەسى جىلى ونى جاريا ەتەمىز. سودان كەيىن ونى سىناق تارتىبىندە ەنگىزەمىز. ءبىزدىڭ يدەولوگيامىز تەستتى بەلگىلى ءبىر بولىگىن ماۋسىمدى كۇتپەي، جىلىنا بىرنەشە رەت تاپسىرا الۋعا مۇمكىندىك بەرۋ دەگەنگە سايكەس كەلەدى. ادەتتە رەسەيلىك جوعارى وقۋ ورىندارى قىستا نەمەسە كوكتەمدە كەلەدى دە، جاستاردى قابىلداي باستايدى. ءبىز دە جاستارىمىزدىڭ تەستتى ەرتە تاپسىرا الاتىن مۇمكىندىگىنىڭ بولعانىن قالايمىز"، - دەپ ءتۇسىندىردى ۆيسە-مينيستر.
