استانا مەن الماتىداعى  باسپانالاردىڭ ءار شارشى مەترىنىڭ شەتەلدىك ۆاليۋتاداعى  شاققانداعى باعاسى 12 پايىزعا  تومەندەگەن. بۇل تۋرالى «قامشى» پورتالى   "كرىشاعا" سىلتەمە جاساي وتىرىپ حابارلايدى.  قازاقستان استاناسىنداعى باسپانالاردىڭ ءار شارشى مەترىنىڭ باعاسى قازىرگى تاڭدا  1381 دوللار بولىپ تۇر. باعا 25 تامىز بەن 20 قازان ارالىعىندا قۇلدىراعان.

قازىرگى 277 تەڭگە توڭىرەگىندەگى باعام بويىنشا ەلورداداعى باسپانالاردىڭ شارشى مەترى 383 مىڭ تەڭگەگە تەڭ. ول جازدىڭ ورتاسىندا بولعان باعادان 59 مىڭ تەڭگەگە جوعارى. ال، الماتىدا ۇلتتىق ۆاليۋتا بويىنشا باعا 85 مىڭعا ارتىپ، 405 000 تەڭگەگە جەتتى. ساراپشىلاردىڭ ايتۋىنشا، 2014 جىلى اقپاندا بولعان باعام وزگەرىسى كەزىندە دوللارمەن بەلگىلەنگەن باعا جىلدىڭ سوڭىنا قاراي عانا تومەندەدى. سونىڭ سالدارىنان 2016 جىلى شارشى مەتردىڭ باعاسى 1300 دوللار بولادى دەگەن بولجام بار.