ۆەدومستۆوارالىق كوميسسيا رەسەيلىك كومپانيانىڭ ۇسىنىسىن قازاقستان ءۇشىن وڭتايلى دەپ سانادى.
ق ر اتوم ەنەرگياسى اگەنتتىگى حالىقارالىق ساراپشىلاردىڭ قاتىسۋىمەن قازاقستانداعى العاشقى اەس قۇرىلىسى ءۇشىن كونسورسيۋم كوشباسشىسىن انىقتاۋ جۇمىسىن اياقتادى.
«سوڭعى تىزىمگە قىتايلىق CNNC، فرانسۋزدىق EDF، وڭتۇستىك كورەيالىق KHNP جانە رەسەيلىك «روساتوم» ەندى. بارلىق قاتىسۋشىلار بولجامدى قۇنىن، مەرزىمىن، قارجىلىق مودەلىن، وقشاۋلاۋ دەڭگەيىن جانە قازمەتكەرلەردى دايارلاۋ بويىنشا شارالاردى قوسا العاندا، ەگجەي-تەگجەيلى ۇسىنىستار بەردى» دەپ جازىلعان ۆەدومستۆو حابارلاماسىندا.
ولاردىڭ ىشىندە، ۆەدومستۆوارالىق كوميسسيانىڭ تالداۋىنان كەيىن، قازاقستانداعى اەس قۇرىلىسىن سالۋعا «روساتوم» كومپانياسى لايىق دەپ تانىلدى. ەكىنشى ورىندى قىتايلىق كومپانيا، ءۇشىنشى ورىندى فرانسۋز جانە كورەي كومپانيالارى يەلەندى.
ءقازىر قازاقستان مەن «روساتوم» رف تاراپىنان ەكسپورتتىق قارجىلاندىرۋدى تارتۋ مۇمكىندىگىن تالقىلاۋدا. بيلىك سونداي-اق جوبانى ىسكە اسىرۋ ءۇشىن ءتيىمدى كونسورسيۋم قۇرۋ بويىنشا باسقا ەلدەرمەن جۇمىسىن جالعاستىراتىنىن اتاپ ءوتتى.
