ناتيجەسىندە سۋمەن جابدىقتاۋ ءتاريفى 30%-كە تومەندەۋى مۇمكىن.
شىمكەنت قالاسىنداعى سۋمەن جابدىقتاۋ جانە سۋ بۇرۋ نىساندارى مەملەكەت مەنشىگىنە قايتارىلدى، دەپ حابارلايدى قارجىلىق مونيتورينگ اگەنتتىگى.
شىمكەنتتەگى سۋمەن جابدىقتاۋ نىساندارىن 21 جىل بويى "سۋ رەسۋرستارى – ماركەتينگ" ج ش س باسقارعان. مەملەكەتتىڭ ۇلەسى 22% بولعان. قارجىلىق مونيتورينگ اگەنتتىگى نىساندى باسقارعان سەرىكتەستىڭ قارجىسىنا تالداۋ جۇرگىزگەن.
"كومپانيادا سەرىكتەس قۇرىلىمدارمەن بايلانىستى كۇماندى قارجى وپەراسيالارمەن قاتار، شىعىن بەلگىلەرى، سۋمەن جابدىقتاۋ سالاسىنداعى زاڭ بۇزۋشىلىقتار انىقتالدى. سۋ كودەكسىنىڭ تالاپتارىنا سايكەس كەلمەگەن. جەكەشەلەندىرۋ كەزىندە پروسەدۋرالىق اۋىتقۋلار بولعانى جانە ءتيىمسىز باسقارۋ فاكتىلەر بەلگىلى بولدى. ماتەريالدار نىسانداردى مەملەكەت مەنشىگىنە قايتارۋ ءۇشىن اكىمدىككە جولداندى"، - دەيدى اگەنتتىك.
سۋ نىسانىنا قاتىستى ماسەلە شىمكەنت قالاسىنىڭ مامانداندىرىلعان اۋدانارالىق ەكونوميكالىق سوتىندا قارالدى. سوت سۋمەن جابدىقتاۋ جانە سۋ بۇرۋ نىساندارىن جەكەشەلەندىرۋدى جارامسىز دەپ تانۋ جانە ولاردى باستاپقى جاعدايىنا كەلتىرىپ، مەملەكەت مەنشىگىنە قايتارۋ تۋرالى شەشىم شىعاردى.
ناتيجەسىندە سۋمەن جابدىقتاۋ ءتاريفى 30%-كە تومەندەۋى مۇمكىن. بۇل تۋرالى اكىمدىك ايتتى.
