بۇگىن الەۋمەتتىك جەلىلەردە الماتى قالاسىنا بىرنەشە اسكەري كولىكتەر شىعارىلعانى تۋرالى بەينەماتەريالدار، سۋرەتتەر جاريالاندى كەشەگى ۇلتتىق بانك الدىنداعى حالىقتىڭ نارازىلىعى قالا باسشىلارىن وسىنداي ارەكەتكە بارۋعا ءماجبۇر ەتتى ءما الدە بيلىكتىڭ ديەۆالۆاسياعا وراي "توسىن" وقيعالاردىڭ الدىن العان ارەكەتى مە كىم ءبىلسىن؟ نە دەگەنمەن، بەيبىت كۇندە قاز-قاتار تىزىلگەن اسكەريلەردىڭ قالادا ءجۇرۋى كىمنىڭ بولماسىن ۇرەيىن الارى انىق. بەيرەسمي دەرەكتەرگە سۇيەنسەك، قارۋ قۇرسانعان اسكەري كولىكتەر قالا كوشەلەرىندە: 28-پانفيلوۆ پاركى ماڭايىندا، گرەس ايماعىنان ءجۇرىپ وتكەن.
قورعانىس مينيسترلىگى، اۋەموبيلدى جاساقتىڭ تاربيە جانە الەۋمەتتىك-قۇقىقتىق جۇمىسى جونىندەگى قولباسشى ورىنباسارى قانات بەلگىبەكوۆتىڭ رەسمي مالىمدەۋىندە: "ۋايىمداۋعا ەشبىر سەبەپ جوق. جاساقتىڭ جوسپارلى تەكسەرۋى ءوتىپ جاتىر. قورعانىس مينيسترلىگى باستى ينسپەكسياسىنىڭ جوسپارلى تەكسەرۋىنىڭ جوسپارىنا سايكەس، قارۋلى تەحنيكا مەن اسكەري دايىندىقتارى سىناقتان وتكىزۋدە. وسى ماقساتپەن، تەحنيكا 50 كم. ءجۇرىپ وتكەندە عانا ونىڭ دايىندىعى بەلگىلى بولادى. ماشينامەن ءجۇرىپ ءوتتى، ەندىگى دايىندىعىمىز دالالى ايماقتاردا ءوتىپ جاتىر،"- دەدى بەلگىبەكوۆ. سونداي-اق، "مۇنداي تەكسەرىس ءۇش جىلدا ءبىر رەت وتەدى. بۇگىنگە دايىندىققا 61993 اسكەري جاساق قاتىستى" دەلىنگەن "tengrinews.kz". سايتىنا بەرگەن سۇحباتىندا
الايدا، مۇنىمەن كوپشىلىك تىنىشتالا قويماسى انىق. الەۋمەتتىك جەلىلەردە كەلەسىدەي ءار الۋان پىكىرلار بار:ايدوس سارىم،ساياساتتانۋشى: بيلىكتىڭ قورعانعانى انىق. گۆارديا مەن اسكەريلەر الماتىدا: پانفيلوۆشىلار پاركىنىڭ ماڭايىندا ءجۇر.
جانبولات ماماي، جۋرناليست: ديەۆالۆاسيامەن تونادى، قارۋ-جاراقپەن قورقىتپاق پا؟!
سەرىك ابىكەن ۇلى، جۋرناليست: ءبىز تەحنيكانىڭ، قارۋدىڭ دايىندىعىن تەكسەرىپ جاتىرمىز. تالاپ بويىنشا ولار 50 شاقىرىمدىق مارش ءجۇرىپ وتۋلەرى كەرەك." الماتىدا اسكەريلەر قاپتاپ كەتكەنىنە تۇسىنىك بەرگەن پودپولكوۆنيك بەلگىبايەۆتىڭ ءسوزى. تانىمال بولدىم دەگەن كەلىمبەتوۆ سەكىلدى بۇنىڭ دا اقىل-ەسىنىڭ دۇرىستىعى كۇمان تۋدىرادى. اسكەري تەحنيكانى 1،5 ميلليون حالقى بار الماتىنىڭ ورتاسىنا اكەلىپ تەكسەرۋ كەرەك پە؟
مادەنيەت ءىزجانوۆ، فب قولدانۋشىسى: سابىر كەرەك، ارانداپ قالمايىق!
دميتريي ۆورونسوۆ، فب قولدانۋشىسى: بۇل دايىندىقتان كەشە جاتقان اسكەري كولىكتەر. ارانداي بەرمەڭىزدەر!
ساۋلە باتايەۆا، الماتى تۇرعىنى: تانكتەر قالا ىشىندە قوعامدىق كولىك سەكىلدى جۇرگەنى نەسى؟
مارات بورىقباي، فب قولدانۋشىسى: 2005 جىلى قاراشا ايىندا سايلاۋ الدىندا وسىنداي جاعداي بولعان. ورتالىق الاڭعا تانكتەردى شىعارىپ، "وتىرىك" وقۋ دايىندىعىن وتكىزگەن. بۇل حالىققا قۇقاي كورسەتكەنى...
جۇماش كەنەبەي، اقىن:
الماتىدا تانكىلەر ءجۇر جورعالاپ، قان اعا ما، كوشەلەرمەن سورعالاپ؟.. ءوز حالقىنان ءوزى بەزگەن شىركىندەر، قازاق دەگەن ۇلتتان ءوزىن قورعاماق! قايران قازاق! سەن، قاشان دا بول، امان! وق اتا ما، ول يتتەرگە جولامان! بۇل دىنسىزدەر، بۇل تىلسىزدەر، جەمقورلار، قازاعىمدى تىرجالاڭاش توناعان! قايران قازاق! جايباراقات جاتپاڭدار، ولار اتار... ءبىراق، سەندەر اتپاڭدار! كىلەڭ تەكسىز، قۇل-قۇتاندار قۇتىرعان، بۇلار ۇلتتى باياعىدا ساتقاندار! الماتىنى اسكەريلەر قورشاعان، سوندا كىمنەن قورىققان ەكەن سونشا ادام؟ مىنا كىلەڭ ۇرىلاردان قورىقپاڭدار، قايران قازاق! سەن قاشان دا بول، امان!!! مۇنىڭ ءتۇبى ءبىر جاقسىلىق بولسا يگى، ولار سوندا قيراتا ما سونشا ءۇيدى؟ الماتىعا ولار نەگە قاپتاعان، بولسا تىنىش، نەگە اسكەرلەر قورشايدى؟ال، ءسىز نە دەيسىز؟
پىكىر قالدىرۋ