سوڭعى ءۇش جىلدا مەرزىمدى اسكەري قىزمەتىن وتكەرگەن شامامەن 9 مىڭ جاس ازامات جوعارى وقۋ ورىندارىنا ۇبت تاپسىرماي قابىلدانعان. ال وتكەن جىلى اسكەردەن ورالعان 3 مىڭنان استام سارباز وزدەرى تاڭداعان ۋنيۆەرسيتەتتەردە ءبىلىم الۋعا مۇمكىندىك الدى.
مەرزىمدى اسكەري قىزمەت ازاماتتاردىڭ كونستيتۋسيادا بەكىتىلگەن مىندەتىن ورىنداۋمەن عانا شەكتەلمەيدى. قىزمەت بارىسىندا جاستار بولاشاق كاسىبي باعىتىن ايقىنداپ، ناقتى ماماندىققا قادام جاساي الادى. اسكەردە جۇرگەن ءبىر جىل ىشىندە ولار ءبىرقاتار پايدالى داعدىلاردى مەڭگەرىپ، سونىڭ ىشىندە جۇرگىزۋشى كۋالىگىن الۋ مۇمكىندىگىنە دە يە بولادى.
مۇنداي تەتىكتەر اسكەري قىزمەتتىڭ الەۋمەتتىك ماڭىزىن ارتتىرىپ، جاستاردىڭ ءبىلىم الۋىنا جانە ەڭبەك نارىعىندا سۇرانىسقا يە بولۋىنا جول اشىپ وتىر.
