قاراعاندىلىق جولاۋشى تاسىمالداۋشى كاسىپورىندار ەلەكتروندى بيلەتتەندىرۋ جۇيەسىن ەنگىزۋگە قارسىلىق تانىتۋدا. بۇل تۋرالى «قامشى» پورتالى Tengrinews.kz –كە سىلتەمە جاساپ حابارلايدى.

اتالعان جۇيەنى الماتىدا ەنگىزگەن كومپانيا قاراعاندىلىق شەنەۋنىكتەرگە ۇسىنىسپەن شىققان. جوبامەن تانىسقان قاراعاندى قالاسىنىڭ تاسىمالداۋشىلارى ارىپتەستىك تۋرالى مەموراندۋمعا قول قويۋدان باس تارتىپ وتىر.

ەلەكتروندى بيلەتتەندىرۋ جۇيەسىن جۇزەگە اسىرۋشى كومپانيا باسشىلىعى اتالعان جوبانى ەنگىزۋ بارلىق تاراپتارعا پايدا اكەلەتىنىن ايتۋدا. تاسىمالداۋشىلار كوندۋكتورلاردى قىسقارتۋ جانە جولاقىسىن جيناۋدىڭ ارتۋى ارقىلى پايداعا كەنەلسە، جەرگىلىكتى بيۋدجەتكە وسى سالاداعى جاريالىلىقتىڭ ارقاسىندا ءتۇسىم كوبەيەدى. جولاۋشىلارعا دا جول اقىسىن تولەۋدە زامانعا ساي قولايلى جاعدايلار ۇسىنىلماق.

اۆتوبۋستارعا اتالعان جۇيەنى ەنگىزۋ، قۇرىلعىلاردى ورناتۋ بيۋدجەت قاراجاتىنا ەمەس، كومپانيانىڭ قاراجاتىنا جۇزەگە اسپاق.

قاراعاندىلىق تاسىمالداۋشىلاردان وسى جۇيەنى ەنگىزگەنى ءۇشىن جوبا يەسى ءتۇسىمنىڭ  پايىزىن سۇراپ وتىرعان كورىنەدى. تاسىمالداۋشىلاردىڭ نارازىلىعىن تۋعىزىپ وتىرعان دا وسى سەبەپ. بۇل سومانى شامادان تىس كوپ ساناعان تاسىمالداۋشى كومپانيالار كەلىسىمنەن باس تارتىپ وتىر. اتالعان جۇيەنى ەنگىزۋ قاجەتتىلىگى الدەقاشان تۋعان جانە پايدالى جاقتارى كوپ دەپ سانايتىن قالا اكىمى نۇرلان اۋباكىروۆ بولسا ماسەلەنى تەرەڭىرەك تالداپ، تاراپتاردى ءبىر كەلىسىمگە كەلۋگە شاقىرىپ وتىر.