قازاقستاندا ادامنىڭ دەنە مۇشەسىن زاڭسىز ساتۋ وقيعالارى تىركەلۋدە. بۇل تۋرالى «قامشى» پورتالى «كتك» ارناسىنا سىلتەمە جاساپ حابارلايدى.

40 جاستاعى الماتى تۇرعىنى قارىزعا باتىپ، سودان قۇتىلۋدىڭ دەنە مۇشەسىن ساتۋدان باسقا جولىن تاپپاعان. ينتەرنەت ارقىلى ساتىپ الۋشى ىزدەپ، ءبىر بۇيرەگىن ساۋداعا سالعان.

ىزدەگەن ادامى استانادان تابىلعان دونور ءىستى كوپ سوزباي ناۋقاس قىزى ءۇشىن بۇيرەك ىزدەگەن كەلىنشەككە ءبىر بۇيرەگىن 4 ميلليون تەڭگەگە الىپ بەرەدى. الايدا، ساتىپ الۋشى وپەراسيا اياقتالىسىمەن تەرىس قىلىق تانىتقان. كەلىسىلگەن سومانى بەرگىسى كەلمەگەن ول كۇندە «ەرتەڭمەن» ەسەپتەسۋدەن قاشقان. ءتىپتى، اقشاسىن سۇراي بەرگەن دونوردى اۋرۋحانادان شىققان سوڭ سوققىعا جىققان. امالى قۇرىعان دونور پوليسياعا شاعىمدانىپ وتىر. ىشكى ىستەر ورگاندارى ادامنىڭ دەنە مۇشەلەرىن زاڭسىز ساۋدالاۋ وقيعاسى بويىنشا تەرگەۋدى باستاپ تا كەتتى.