جۇڭگو حالىق رەسپۋبليكاسىنىڭ ازاماتى 30 قازان كۇنى جەر استىنان جول سالىپ قازاقستان شەكاراسىن بۇزىپ وتكەن. بۇل تۋرالى «قامشى» پورتالى قازاقستان رەسپۋبليكاسى ۇقك شەكارا قىزمەتىنىڭ باسپا ءسوز قىزمەتىنە سىلتەمە جاساپ.

وقيعا شەكارا قىزمەتىنىڭ «شىعىس» وڭىرلىك باسقارماسىنا قاراستى جاركەنت شەكارا وتريادىنىڭ «ىنتالى» زاستاۆاسىندا بولعان.

دابىلمەن كووتەرىلگەن شەكاراشىلار ساعات 00.30 شاماسىندا ءىز كەسۋشى يتپەن بىرگە دابىل تۇسكەن اۋماققا جەتكەن. ءىز كەسۋ توبى باقىلاۋ جولاعىنان كورشى ەلدىڭ اۋماعىنان كىرگەن ادامنىڭ ءىزىن بىردەن بايقايدى. تەكسەرە كەلە، شەكارا بۇزۋشى دابىل بەرۋ باعانىنىڭ استىن قازىپ وتكەنى انىقتالعان.

اسكەريلەر شەكارا بۇزۋشىنى شەكارا سىزىعىنان 8 شاقىرىم جەردە، التىنكول تەمىرجول ستانساسىن بەتكە الىپ بارا جاتقان جەرىنەن تۇتقىنداعان. ول 1985 جىلى تۋعان قحر-دىڭ ازاماتى بولىپ شىقتى. ۇستالعان ازاماتتىڭ سومكەسىندە 501 يۋان اقشا، ازىق-تۇلىك، ەلەكترلى قولشام، كيىمدەر، تەمەكى بلوگى، جۇڭگو تىلىندەگى الەم كارتاسى جانە تاعى دا باسقا كەرەكتى زاتتار بولعان.