«ءبىرىڭعاي جيناقتاۋشى زەينەتاقى قورى» اق باسقارما ءتوراعاسى رۋسلان ەردەنايەۆ بجزق زەينەتاقى اكتيۆتەرىن قورعاۋ ماسەلەلەرى جونىندە ايتىپ بەردى.بۇل تۋرالى «قامشى» پورتالى «كازاحستانسكايا پراۆدا» گازەتىنە سىلتەمە جاساپ حابارلايدى.

قارجى نارىعىنداعى اۋىتقۋلار، ماسەلەن ۆاليۋتا باعامىنىڭ وزگەرۋى سالدارىنان تۋۋى مۇمكىن شىعىنداردىڭ ورنى قالاي وتەلەتىنىن ول بىلاي ءتۇسىندىردى:

- بجزق سالىمشىلارى ءۇشىن زەينەتاقى اكتيۆتەرى پورتفەلىنىڭ شەتەلدىك ۆاليۋتادا ينۆەستيسيالانعان بولىگى كىرىس اكەلەدى. 2015 جىلدىڭ 1 تامىزىندا بجزق زەينەتاقى اكتيۆتەرىنىڭ ۆاليۋتالىق پوزيسياسى زەينەتاقى اكتيۆتەرى جالپى سوماسىنىڭ 11%-دى، اقش دوللارىنداعى ۇلەسى 10،45%-دى قۇرادى.  جالپى بجزق ينۆەستيسيالىق ستراتەگياسى كونسەرۆاتيۆتى: 1 قازاندا مەملەكەتتىك قۇندى قاعازدار ۇلەسى 43،58%-دى قۇرادى.

ازاماتتاردىڭ زەينەتاقى جيناقتارىن قورعاۋ جانە يندەكستەۋ مەحانيزمى  2013 جىلعى «قر-داعى زەينەتاقىمەن قامتۋ تۋرالى» زاڭىندا كورسەتىلگەن. 

قازاقستان ەكونوميكاسى الەمدىك ەكونوميكاعا ينتەگراسيالانعان جانە جاھاندىق نارىقتاعى جاعدايعا، سونىڭ ىشىندە ەنەرگيالىق رەسۋرستار باعاسىنا تاۋەلدى.   سوندىقتان مەملەكەت ۇلتتىق ۆاليۋتاداعى زەينەتاقى جيناقتارىنىڭ ساقتالۋىنا جاۋاپكەرشىلىكتى موينىنا الدى. زەينەتاقى جيناقتارى - بۇل ستراتەگيالىق قاراجات. اتالعان زاڭنىڭ 5-بابىنا سايكەس، مەملەكەت الۋشىنىڭ زەينەتاقى تولەمدەرiنە قۇقىقتى يەمدەنۋ كەزiندەگi ينفلياسيا دەڭگەيiن ecكepe وتىرىپ، iس ءجۇزiندە ەنگiزiلگەن مiندەتتi زەينەتاقى جارنالارى، مiندەتتi كاسىپتىك زەينەتاقى جارنالارى مولشەرiندە ساقتالۋىنا كەپiلدiك بەرەدi. بۇل كەپىلدىك زەينەتكە شىعاتىن ازاماتتىڭ زەينەتاقى جيناقتارىنىڭ كىرىسى جيناقتالعان ينفلياسيا دەڭگەيىنەن تومەن بولعان جاعدايدا پايدالانىلعان جانە الداعى ۋاقىتتا دا پايدالانىلادى.  ەگەر باعامنىڭ وزگەرۋى سالدارىنان قازاقستاندىق ەكونوميكا ىشىندە  ينفلياسيالىق قىسىم پايدا بولسا، وندا زەينەتكە شىققان سالىمشىلار بيۋدجەتتەن وتەماقى الماق.