كەشە،  ميتينگىدە  پوليسياعا ايقايلاعان، جانارا د'ارك اتالعان  قىزعا ريزا بولدىق. ونىڭ سول ارەكەتىن ءتارتىپ ساقشىلارىن ارانداتۋشىلىق دەۋگە  بولمايدى. جالىندى سوزدەرىنە، ونىڭ ايتقاندارى كوپشىلىكتىڭ كوكەيىندەگىلەرمەن سايكەس كەلگەنىنە رازىمىز. ءيا، پوليسيا ءوزىنىڭ مىندەتىن اتقاردى، ولاردىڭ اراسىندا دا ۇلتقا، قازاققا جانى اشيتىندار، بيلىكتىڭ بۇگىنگى ساياساتىنا ىشتەي نارازىلار بار. ولار ۋاقىت وتكەن سايىن كوبەيىپ كەلە جاتپاسا، ازايمايدى. ويتكەنى ۇكىمەتتىڭ قازىرگى ۇستانىمىنا نارازىلار كوپ.23 جىلدا كوركەيىپ، جاعداي تۇزەلۋدىڭ ورنىنا كەرى كەتىپ بارامىز. ەكونوميكا دەربەستەلگەن (ديۆەرسيفيكاسيا) جوق، ەكسپورتتان يمپورت باسىم، كلاستەرلىك جۇيە قالىپتاستىرىلماعان، مۇناي مەن گاز، تابيعي رەسۋرستارعا بايمىز، ءبىراق قزىعىن كورە الماي وتىرمىز... قىسقاسى، ءتىزىم وسىلاي جالعاسا بەرەدى. ال مىنا قىز ءوز نارازىلىعىن اشىق ايتتى. "تۋعان جەرىمدە نە ىستەي الاسىڭ ماعان مەنىڭ، ؟!" دەدى. "مەنى الىپ كەتىپ، نە ىستەيسىڭ، سەنەن نەگە قورقۋىم كەرەك؟" دەگەن اشۋ-ىزا جاتىر. پوليسەيلەردىڭ كوزگە تىك قاراي الماي، قيپاڭداۋىنىڭ استارىندا قۇددى "ماعان نە قىل دەيسىڭ ەندى؟ مەن تەك بۇيرىقتى ورىندايمىن عوي" دەگەن اقتالۋ جاتقان سياقتى كورىندى... ءارى ءقازىر ادامداردىڭ كوپشىلىگىنىڭ جۇيكەسى سىر بەرگەن: قاراپايىم ادامداردى ءبارى قورقىتادى: بيلىك تە، ءىرىلى ۇساقتى شەنەۋنىك تە، اكىم-قارا، جۇمىس بەرەتىن باستىق تا، ءتىپتى، ەسىك كۇزەتىپ وتىرعان كۇزەتشى دە... نەگە؟ ويتكەنى زاڭ جۇمىس ىستەمەيدى. زاڭ حانعا دا، قاراعا بىردەي. الايدا، زاڭدى كەيبىر مەملەكەتتىك قىزمەتكەردىڭ ءوزى ساقتامايدى. باسقاعا نە جورىق؟ وسىنى ءتىپتى، قازاقستانعا كەلەتىن شەتەلدىكتەر دە ءوز پايداسىنا ۇتىمدى پايدالانىپ ءجۇر...

ءنازيا جويامەرگەن قىزى

(فب پاراقشاسىنان)