بەلگىلى ساياساتكەر مۇحتار تايجان ءوزىنىڭ فەيسبۋكتەگى پاراقشاسىندا بىلتىر شەڭگەلدى اۋىلىندا بولعان قىلمىسقا قاتىستى سوت بولاتىندىعىن حابارلاپتى. ونىڭ جازۋىنشا، بەيسەنبى كۇنى (20.02.14) قاسكەلەڭ قالاسىندا ساعات 8:30-دا اشىق تۇردە كەزەكتى سوت وتىرىسى وتەدى. "ءبىز ۇلتشىلدار سوندا بارىپ، قاتىسىپ، قانداستارىمىزعا ىنتىماعىمىزدى كورسەتسەك ءجون بولار"، - دەيدى ول. ەستەرىڭىزدە بولسا بىلتىر الماتى وبلىسى شەڭگەلدى اۋىلىندا ەكى شەشەن جىگىتى اۆتوماتپەن ەكى قازاقتى اتىپ تاستاعان. ماديار اقجولتايەۆ دەگەن ازامات سول جەردە قازا تاپقان، ەكىنشىسى ەرسايىن امىرەيەۆ امان قالعان.
مۇحتار تايجاننىڭ ايتۋىنشا، ەرتەڭگى سوت وتىرىسىنا الماتى قالاسىنان باراتىنداردى اباي مەن اۋەزوۆ كوشەلەرىنىڭ قيىلىسىنان ساعات تاڭعى 8:00-دە ارنايى اۆتوبۋس كۇتىپ تۇرماق. "اقشاسى بار-جوق جىگىتتەر مەن قىزداردى بىرگە بارىپ، سوتقا قاتىسىپ، وزگەلەرگە بىرلىگىمىزدى بىلدىرەيىك!" دەپ شاقىردى ساياساتتانۋشى
سوتى اشىق تۇردە وتەدى، باقتاردىڭ قاتىسۋعا، فوتو-ۆيدەو جاساۋعا رۇقسات بەرىلگەن.
