سوڭعى ۋاقاتتا كوپشىلىك اقىن رينات زايىتوۆتىڭ ومىرىنە قاۋىپ ءتونىپ تۇرعانىن ءجيى ايتادى. "ريناتتى اتىپ كەتىپتى، پىشاقتاپتى، ودان قالسا الماتىداعى سەيفۋللين كوشەسىندە ورنالاسقان تۇرمەگە قاماپ قويىپتى دەگەن سوزدەرگە "بەكەردەن بەكەر مۇنداي اڭگىمە شىقپايدى" دەپ حالىق سەنە باستادى. ونىڭ ۇستىنە سوڭعى ۋاقىتتا اقىن كوكجاشىكتەن دە كورىنبەي كەتتى. اقىن ومىرىنە قاتىستى مۇنداي بولجامداردىڭ شىعۋىنا ونىڭ ساحنا ايتان، ءبىراق تۆ ەفيرلەرىنە جىبەرىلمەي قالعان ۋىتتى سوزدەرى مەن شىمبايعا باتار شىندىقتى ايتۋى سەبەپ بولعان. ريناتتىڭ جانايقايىن ايتىلعان دىبىس جازباسى ۇيالى تەلەفوندار، الەۋمەتتىك جەلىلەر ارقىلى قازىرگى قازاق قوعامىندا كەڭ تارالۋدا. الىپ-قاشپا اڭگىمەلەر دە ءدال وسى ولەڭىنەن كەيىن شىقسا كەرەك.
وسى تۇستا، ماسەلەنىڭ ءمانىسىن انىقتاماق بولىپ، اقىندى اڭگىمەگە تارتقان 31-ارنا جۋرناليستەرىنىڭ سۇحباتىن ۇسىنامىز...
- قوش كەلدىڭىز، رينات! قال-جاعدايىڭىز قالاي؟
-امان، شۋكىر. ءبارى ورنىندا.
جەل تۇرماسا ءشوپتىڭ باسى قيمىلدامايدى دەگەن بار....وسىنداي اڭگىمەلەردىڭ تاراۋىنا راسىمەن دە شىندىقتى شىڭعىرتا جازعان ءبىر عانا ولەڭىڭىز سەبەپ بولدى ما؟
-بۇل اڭگىمەنىڭ ماعان جەتكەنىنە دە ءبىراز بولدى. ءار قالادان دوستارىم حابارلاسىپ، حالىمدى سۇرايدى. ول اڭگىمەنىڭ قايدان شىققانىن ءبىر اللا بىلەدى.
- سوندا مۇنداي اڭگىمەلەردىڭ شىعۋىنا ءسىزدىڭ شىندىقتى ايتقان ءبىر عانا ولەڭىڭىز سەبەپ بولدى ما؟
-جووق، سەبەپ كوپ. ەگەر تەك ولەڭ عانا سەبەپ بولاتىن بولسا، بىلتىر ناۋرىزدا ايتىلعان، بيىل ءبىر جىل بولادى. ەڭ باستى سەبەپ،الەۋمەتتىك جەلىلەردىڭ ەشقايسىسىن پايدالانبايمىن. ينستاگرام، تۆيتتەر دەگەندەر كوڭىلىمە جاقپايدى. تاعى ءبىر سەبەپ، ءجۇرسىن ەرمان ايتىستى قولعا الىپ، ءقازىر ايتىسقا دايىندىق ۇستىندەمىن.
-جەكە باسىڭىزدىڭ قاۋىپسىزدىگى ءۇشىن نە ىستەيسىز؟
- ەشتەڭە
-كىمنەن قورقاسىز؟
-قۇدايدان
سوڭعى كەزدەرى ءسىزدى ايتىستان دا كورىنبەي كەتتىڭىز. جالپى،نەمەن اينالىسىپ ءجۇرسىز؟
ء-قازىر قايتا شىعارماشىلىق تولىسۋدىڭ جولىندامىن. وقيتىن،ىزدەنەتىن نارسەلەر بار.
-ەلدە بولىپ جاتقان سوڭعى قارجىلىق-ەكونوميكالىق وزگەرىستەرگە قاتىستى قانداي پىكىر بىلدىرەسىز؟ دوللاردىڭ شارىقتاۋى ءسىزدى قانشالىقتى قىسپاققا سالدى؟
-وتكەندە ءبىر دوسىم ايتىپ ەدى: "مەندە دوللار دا جوق، تەڭگە دە جوق. كوپ باسىمدى اۋىرتپايمىن" دەپ. سول سياقتى عوي. ءبىراق، ەڭ قىنجىلتاتىن نارسە، تەڭگەنىڭ قۇلدىراۋىنان ءبىر اي بۇرىن تەلەارنلارادان "كوكەلەرىمىز" سويلەدى: "اقشالارىڭدى تەڭگەمەن ساقتاڭىزدار، قۇلدىراۋ بولمايدى" دەپ ايتىپ الدى. ءسويتىپ، ءبىر ايدان كەيىن "ءبىز مۇنى ءبىر جىل بۇرىن بىلگەنبىز" دەدى. مەملەكەتتە قارجىنىڭ تىزگىنىن ۇستاپ وتىرعان ادامداردىڭ قۇرداسىنا قالجىڭداعانداي بۇكىل حالىقتى سولاي الداۋعا بولمايدى عوي.
-حالىققا ايتارىڭىز...
-كىمنىڭ قانداي ماقساتپەن دابىرا اڭگىمە شىعارعانىن بىلمەيمىن. ءتىرىمىن، ءدىن-امانمىن.
راحمەت!
(ماتەريال 31-ارنا اقپاراتى نەگىزىندە دايارلاندى)
پىكىر قالدىرۋ