قىرعىز شەنەۋنىكتەرى ءار سەيسەنبى سايىن تاڭعى «بيرينچي راديو» ەفيرىنەن ەل پرەمەر-مينيسترى تەمير سارييەۆتىڭ ءسوزىن تىڭداۋعا مىندەتتەلدى. ۇكىمەت اپپاراتى باسشىسىنىڭ ءبىرىنشى ورىنباسارى مۇرات مۇقامبەتوۆ وسىنداي نۇسقاۋدى ۆەدومستۆولارعا جانە وبلىستىق اكىمشىلىكتەرگە جولدادى، - دەپ حابارلايدى «قامشى» پورتالى وسى ەلدەگى قازاقپاراتقاسىلتەمە جاساپ.
قىرعىز ۇكىمەتىنەن مالىمدەگەندەي، مينيسترلىكتەر قىزمەتكەرلەرى پرەمەر-مينيستردىڭ ءسوزىن ۇلتتىق راديو ەفيرىنەن تىڭداۋى كەرەك. ول ءار سەيسەنبى سايىن تاڭەرتەڭگى 9-10 ارالىعىندا ءسوز سويلەيدى.
ءبىلىم مينيسترلىگى بۇل جاڭاشىلدىقتى ماسەلە تۋىنداي قالعان ساتتە جەدەل ارەكەت ەتۋ ءۇشىن قاجەت شارا دەپ بىلەتىنىن ماسىمدەدى.
«پرەمەر تىكەلەي ەفيردە حالىقپەن تىلدەسىپ وتىرادى، قانداي دا ءبىر شاعىم تۇسسە، ول ءتيىستى ورگانعا وسى ماسەلەنى شەشۋ تۋرالى تاپسىرما بەرەدى. سول سەبەپتى ءبىز ۇكىمەت باسشىسىنىڭ تاپسىرمالارىن راديو ارقىلى تىڭداپ وتىرۋىمىز كەرەك. بۇل ءبىرىنشى كەزەكتە باسپا ءسوز قىزمەتكەرلەرى مەن باسشىلارعا قاتىستى تاپسىرما»، - دەپ حابارلادى ۆەدومستۆودان.
